Sustaršynia arhkamiteta pa stvareńni partyi «Biełaruskaja chryścijanskaja demakratyja» (BCHD) Vital Rymašeŭski zaklikaŭ pradstaŭnikoŭ demsił — partyj, NDA, niezaležnych ŚMI — stvaryć kaalicyju dla abarony demakratyi ŭ Biełarusi. Takuju prapanovu palityk zrabiŭ 19 śniežnia ŭ Minsku padčas kruhłaha stała ŭ abaronu telekanała «Biełsat».
Pavodle słoŭ Rymašeŭskaha, situacyja z «Biełsatam» — jaskravy prykład «toj tendencyi, jakaja vyznačyłasia siońnia ŭ vialikaj častcy zachodniaha palityčnaha esteblišmientu ŭ dačynieńni da Biełarusi i demakratyi ŭ cełym». «My znachodzimsia ŭ vielmi niebiaśpiečnym stanoviščy, kali palityka demakratyčnych krain śvietu mianiajecca z kancepcyi ŭsieahulnaha adstojvańnia demakratyi i pravoŭ čałavieka na ŭzrovień mižnarodnaj palityki piacidziesiaci- abo siamidziesiacihadovaj daŭnaści», — skazaŭ jon.
«Vidać, što siońnia častka palitykaŭ u Jeŭrasajuzie i ZŠA razhladajuć varyjant pierachodu da palityki, jakaja praduhledžvaje poŭnafarmatnyja adnosiny z aŭtarytarnymi, dyktatarskimi režymami ŭ abmien na stabilnaść i harantyi zachavańnia miru, asabliva na miežach ES, kali kazać pra Biełaruś», — dadaŭ Rymašeŭski.
Na jaho dumku, pierad abliččam pahrozy znachodzicca «nie tolki «Biełsat», ale i ŭsie demakratyčnyja ŚMI, i ŭsiu hramadzianskuju supolnaść Biełarusi, jakaja ŭźnikła za apošnija 25 hadoŭ. «Biełsat» abaraniać treba, pierakanany palityk, ale efiektyŭnaści možna dasiahnuć «tolki šlacham abjadnańnia, dasiahnieńnia kansiensusu ŭsich sił u Biełarusi dla abarony demakratyi ŭ krainie».
«Možna skazać, što my ŭsie — i biełaruskija žurnalisty, i palityki, i NDA — zahulalisia ŭ demakratyju, padzialajučy siabie na siektary. Varta było b arhanizavać mižsiektaravy dyjałoh, u jaki byli b załučanyja pradstaŭniki palityčnaj apazicyi, pradstaŭniki hramadzianskaj supolnaści i niezaležnyja žurnalisty dla abarony demakratyi ŭ Biełarusi. Treba ŭžo siońnia rabić kroki dla stvareńnia takoj kaalicyi za demakratyju ŭ Biełarusi. Takim čynam my mahli b padtrymlivać adzin adnaho, kab naša palityka, praca ŭnutry i za miežami Biełarusi była bolš efiektyŭnaj», — ličyć sustaršynia arhkamiteta partyi BCHD.
Jon zaklikaŭ kiraŭnikoŭ usich palityčnych kaalicyj, asobnych partyj, Biełaruskaj asacyjacyi žurnalistaŭ, forumu hramadzianskaj supolnaści, Asamblei niaŭradavych demakratyčnych arhanizacyj «nieadkładna razhledzieć mahčymaść pravieści takuju kaardynacyjnuju rabotu pa stvareńni kaalicyi».
«Abaraniajučy «Biełsat», my pavinny razumieć, što abaraniać treba ŭsiu hramadzianskuju supolnaść Biełarusi ad pahroz novaj palityki demakratyčnych krain i novaj — biełaruskich uładaŭ. Hetaja palityka prystasavalnaja, aŭtarytarnaja i nie demakratyčnaja, ale jana ŭličvaje ŭsie źniešnija abstaviny i dobra imi karystajecca», — padkreśliŭ Rymašeŭski.
Pra toje, što MZS Polščy maje namier skaracić na dźvie traciny finansavańnie «Biełsata», i pra mahčymy pieravod telekanała na ruskamoŭnaje viaščańnie stała viadoma 15 śniežnia ad dyrektara «Biełsata» Ahnieški Ramašeŭskaj-Huzy. Navina vyklikała šyroki hramadski rezanans u Biełarusi. MZS Polščy zajaviŭła, što rašeńnie ab finansavańni «Biełsata» pakul nie pryniataje.
Spadarožnikavy telekanał «Biełsat» viaščaje na Biełaruś z 10 śniežnia 2007 hoda. Jon stvorany jak strukturnaje padraździaleńnie Polskaha telebačańnia, redakcyja «Biełsata» raźmiaščajecca ŭ Varšavie.
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ14
Kamientary