Aficyjny pradstaŭnik MZS Rasii Maryja Zacharava adkazała infarmacyjnamu ahienctvu Regnum, jakoje prystrašyła padać u sud na jaje za kamientar pra zatrymanych u Biełarusi karespandentaŭ vydańnia. Jana ličyć, što hałoŭnamu redaktaru ahienctva lepš sudzicca z samim saboj.
Raniej u sieradu infarmacyjnaje ahienctva Regnum zajaviła, što padaje ŭ sud pazoŭ da Zacharavaj ab abaronie honaru i hodnaści, a taksama naniasieńni škody dziełavoj reputacyi vydańnia.
Niezadavolenaść ahienctva vyklikaŭ kamientar Zacharavaj pra los troch karespandentaŭ Regnum u Biełarusi. Juryj Paŭłaviec, Dźmitryj Alimkin i Siarhieja Šypcienka byli zatrymanyja 9 śniežnia pa abvinavačvańni ŭ raspalvańni mižnacyjanalnaj varožaści. Paźniej sud zaklučyŭ ich pad vartu.
Adkaz Zacharavaj na pahrozu sudovaha pazovu byŭ raźmieščany na sajcie MZS Rasii. Jana paviedamiła, što hałoŭny redaktar Regnum Madest Koleraŭ sam prasiŭ jaje prakamientavać zajavu pasła Surykava. Ministerstva atrymała ad jaho list z takoj prośbaj.
«Moža być, M.A.Koleravu treba padavać u sud nie na trecija asoby, a na samoha siabie, i tady pa rašeńni sudu jon atrymaje ŭsie adkazy na pytańni i ab «saŭdziele ŭ złačynstvie», i ab reputacyi, i pra toje, chto kankretna majecca na ŭvazie ŭ artykule pad «zvarjaciełaj niedadziaržavaj», — havorycca ŭ zajavie Zacharavaj.
Pradstaŭnik MZS Rasii taksama papraknuła redakcyju Regnum u cyničnych pavodzinach i sprobach «samapijaru ŭ momant, kali kalehi trapili ŭ składanuju situacyju». Supracoŭniki Regnum pakul nie adkazali Zacharavaj.
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary