Maładyja piedahohi buduć atrymlivać dapłaty ad dziaržavy jašče hod paśla adpracoŭki
Maładym śpiecyjalistam z katehoryi piedahahičnych rabotnikaŭ, jakija ŭžo adpracavali pa raźmierkavańni dva hady, ale praciahvajuć pracavać u dadzienaj ustanovie adukacyi, jašče na hod praciahvajecca vypłata dapłaty ŭ pamiery adnoj taryfnaj staŭki pieršaha razradu, paviedamlaje BIEŁTA.
Novaja pastanova ŭnosić źmieny ŭ pastanovu Savieta Ministraŭ ad 26 studzienia 2009 hoda №86.
Tak, piedahahičnym rabotnikam z vyšejšaj i siaredniaj śpiecyjalnaj adukacyjaj, jakija adpracavali dva hady pa raźmierkavańni (pieraraźmierkavańni), nakiravańni (nastupnym nakiravańni) na pracu va ŭstanovy adukacyi i jakija praciahvajuć pracavać na ŭmovach zaklučanych pracoŭnych damovaŭ (kantraktaŭ), ŭstanaŭlivajucca štomiesiačnyja dapłaty ŭ pamiery adnoj taryfnaj staŭki pieršaha razradu, ustanoŭlenaj Savietam Ministraŭ dla apłaty pracy rabotnikaŭ biudžetnych arhanizacyj, na praciahu nastupnaha adnaho hoda.
Štomiesiačnyja dapłaty vypłačvajucca pa asnoŭnym miescy pracy praparcyjna adpracavanamu času (abjomu vykananych rabot), ale nie vyšej za pamier adnoj taryfnaj staŭki pieršaha razradu, ustanoŭlenaj Savietam Ministraŭ.
Jak rastłumačyli ŭ pres-centry Ministerstva adukacyi, takaja miera daść mahčymaść zamacavać maładych śpiecyjalistaŭ va ŭstanovach adukacyi i nie dapuścić źnižeńnia ich zarpłaty. Pastanova ŭstupaje ŭ siłu z 1 studzienia 2017 hoda.
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie3
Kamientary