Chakieisty kłuba «Dynama-Minsk» zrobiać usio, kab dać dastojny boj u nastupnych hulniach KCHŁ. Pra heta zajaviŭ siońnia žurnalistam ministr unutranych spraŭ, staršynia naziralnaha savieta CHK «Dynama-Minsk» Ihar Šunievič pa vynikach dakładu Alaksandru Łukašenku, paviedamlaje BiełTA.
— Miarkuju i navat upeŭnieny, što kamanda zrobić usio, što ad jaje zaležyć. I hulcy, i trenierski štab kamandy «Dynama-Minsk» zrobić usio dla taho, kab vyjści ŭ płej-of i nie prosta vyjści, ale jašče i dać dastojny boj u hetym najvyšejšym dyvizijonie čempijanatu, — zajaviŭ Ihar Šunievič.
Pavodle jaho słoŭ, u kamandy dla hetaha jość usie šancy.
— Treba sabracca, uličyć pamyłki minułych hulniaŭ, u tym liku i kryŭdnyja pramaški, praliki, nie zaŭsiody, darečy kažučy, naŭprost zaležnyja ad našych chakieistaŭ. Hulnia z Ryhaj (chakiejnym kłubam «Dynama-Ryha» [minčuki prajhrali doma ź likam 1:3, ryžanie zajmajuć apošni radok u kanfierencyi — NN] nahladna prademanstravała składanaści ŭ suviazi ź pieralotam z Kitaja [matč suprać navička, kłuba «Kuńłuń Red Star» — NN]. Heta taksama treba razumieć, taki daloki pieralot byŭ upieršyniu. Ale ja nie apraŭdvaju ni siabie, ni kamandu. Mahu tolki skazać, što my zrobim usio mahčymaje i zaležnaje ad nas, kab apraŭdać nadziei našych zaŭziataraŭ, — padkreśliŭ staršynia naziralnaha savieta.
Paśla 49 hulniaŭ «Dynama» zajmaje 6-y radok u Zachodniaj kanfierencyi (u płej-of vychodziać vosiem kamandaŭ)
1. SKA — 121 (52 hulni), 2. CSKA — 117 (52), 3. Łakamatyŭ — 97 (97), 4. Tarpieda — 95 (53), 5. Dynama Maskva — 95 (53), 6. Dynama Minsk — 82 (49), 7. Viciaź — 80 (52), 8. Słovan — 78 (53); 9. Jokieryt — 78 (51), 10. Sočy — 77 (52) 11. Miedvieščak — 68 (52). 12. Sievierstal — 65 (52). 13. Spartak — 60 (53). Dynama Ryha — 50 (52).
Da kanca rehularnaha čempijanatu «Dynama» zastałosia pravieści 11 matčaŭ, pryčym jany adyhrali mienš hulniaŭ, čym kankurenty. Nastupnyja try pajadynki «zubry» praviaduć na «Minsk-Arenie», pryčym siońnia suprać «Aŭtamabilista». Apošni matč rehularnaha pieršynstva — 18 lutaha.
Kamientary