Nadzieja Jermakova znoŭ sprabuje zdać u arendu katedž u Drazdach — pa $4500 na miesiac
Eks-kiraŭnik Nacbanka Nadzieja Jermakova znoŭ sprabuje zdać u arendu katedž na Smarahdavym zavułku ŭ Drazdach. Praŭda, praz kryzis jaje apietyty pamienšali.
Paŭtara hoda tamu Jermakova skinuła canu z $7500 da $6000. Ciapier ža hatovaja zdać elitnuju nieruchomaść za $4500.
Nahadajem, hety ŭčastak pamieram 15 sotak byŭ vydzieleny Nadziei Jermakovaj jašče ŭ siaredzinie 2000-ch. Paźniej hety dom byŭ pierapisany na starejšuju dačku Natallu Čepikavu.
Sama Jermakova paśla atrymała jašče adzin učastak, na pieršaj bierahavoj linii ŭ «Drazdach-2».
A stary dom sprabuje zdać, pakul što marna.
Što ŭjaŭlaje ź siabie katedž Jermakovaj?
Na 15 sotkach u haspadaroŭ hetaha doma znachodzicca nievialiki stavok z presnaj vadoj z darožkaj, brukavanaj kamieniem, zona dla barbiekiu ź piečču-kaminam i lažankaj.
Pobač z zonaj dla adpačynku raźbity aharod z vysokimi parasonami kropu i inšaj zielaninaj, jakuju ciapierašnija haspadyńki vyroščvajuć, «kab da stała była svaja zielanina». Tut ža pasadžany małady fruktovy sadok.
U abjavie ŭkazana, što katedž dvuchuzroŭnievy, płoščaj 336 kvadratnych mietraŭ. Adzin z šaści pakojaŭ adviedzieny pad haścioŭniu z kaminam i kanapavaj zonaj.
Nad televizaram na palicy staić viasielnaje fota adnoj z dačok, akuratna rasstaŭlenaja kalekcyja lalek — takich paraŭnalna niadaŭna pradavali ŭ šapikach «Biełsajuzdruku». Trochi vyšej stajać fihurki słanoŭ i viarbludaŭ.
Na ścianie, tam, dzie ŭ dziaržstrukturach zvyčajna viešajuć inšy partret, tut, doma — zdymak Merylin Manro.
Miarkujučy pa aknie ŭ stoli, spalnia znachodzicca na druhim paviersie. Tut usio ścipła.
Jak miarkujecca, na druhim paviersie znachodziacca i dva dziciačyja pakoi.
Kamientary