U Akademii suviazi adkrytaja vajskovaja kafiedra

U Biełaruskaj dziaržaŭnaj akademii suviazi adbyłosia ŭračystaje adkryćcio vajskovaj kafiedry.

Pavialičyć

Ministr suviazi i infarmatyzacyi Siarhiej Papkoŭ rastłumačyŭ, što adkryćcio vajennaj kafiedry - znakavaja dla akademii padzieja. «Za apošnija dva hady tut adbyłasia surjoznaja transfarmacyja — kaledž suviazi staŭ akademijaj, była adkryta mahistratura, a siońnia źjaviłasia vajennaja kafiedra. Maładyja ludzi, jakija buduć vučycca na kafiedry, buduć rychtavacca pa tych śpiecyjalnaściach, jakija patrebny jak u mirny čas, tak i ŭ vajenny. Heta zusim inšy status ich jak hramadzian Biełarusi», — adznačyŭ jon.

Ministr abarony Biełarusi hienierał-lejtenant Andrej Raŭkoŭ, vystupajučy pierad studentami, padkreśliŭ, što kožnaja śpiecyjalnaść va Uzbrojenych Siłach zapatrabavanaja, ale adnoj z samych šanoŭnych i składanych źjaŭlajecca śpiecyjalnaść suviazista. «Padrychtavać takoha śpiecyjalista — vielmi składanaja zadača, tamu adkryćcio vajskovaj kafiedry ŭ akademii suviazi — takaja značnaja padzieja», — kanstatavaŭ jon.

Na kafiedry budzie ažyćciaŭlacca padrychtoŭka małodšych kamandziraŭ pa zapatrabavanych vajenna-ŭlikovych śpiecyjalnaściach: «Načalnik aparatnaj» (aŭtamatyčnyja telefonnyja stancyi), «Načalnik aparatnaj» (aparaty dalokaj suviazi), «Načalnik radyjorelejnaj stancyi» (šmatkanalnaj), «Načalnik radyjorelejnaj stancyi» (małakanalnaj). Zakaz Ministerstva abarony na padrychtoŭku małodšych kamandziraŭ na 2017/2018 navučalny hod składaje 125 čałaviek.

Pastupić i vučycca na vajskovaj kafiedry mohuć junaki (navučency śpiecyjalnaściej «Sietki telekamunikacyj», «Sistemy radyjosuviazi, radyjoviaščańnia i telebačańnia» i studenty śpiecyjalnaściej «Infakamunikacyjnyja sistemy», «Infakamunikacyjnyja technałohii», «Ekanomika i kiravańnie na pradpryjemstvie», «Markietynh», «Paštovaja suviaź»). Termin navučańnia składaje 1,5 hoda. Prahrama padrychtoŭki małodšych kamandziraŭ raźličana na 240 vučebnych hadzin, raźmierkavanych na try siemiestry (76, 82 i 82 hadziny).

Pavialičyć

U pieršym siemiestry vyvučajucca dyscypliny taktyčnaj i ahulnavajennaj padrychtoŭki, u druhim i trecim — padrychtoŭka niepasredna pa vajskova-ŭlikovych śpiecyjalnaściach. Zaniatki pravodziacca ŭ śpiecyjalizavanych aŭdytoryjach vajennaj kafiedry i na bazie voinskich čaściej suviazi. Abstalavańnie kožnaj aŭdytoryi daje mahčymaść arhanizavać rabotu samastojnaha vuzła suviazi. Aŭdytoryi źviazany pamiž saboj i zabiaśpiečvajuć abmien infarmacyjaj pamiž abanientami ATS pa ličbavych srodkach radyjorelejnaj i pravadnoj suviazi. Jak rastłumačyŭ načalnik suviazi US — načalnik upraŭleńnia suviazi Hienštaba hienierał-major Hienadź Kazakoŭ, unikalnaść vučebnych kłasaŭ kafiedry ŭ tym, što jany zmanciravany takim čynam, što ŭjaŭlajuć saboj bajavy post stacyjanarnaha vuzła suviazi. «Hety vučebny vuzieł suviazi atrymaŭ pazyŭny «Erudyt», jon uklučany ŭ adzinuju sistemu suviazi Uzbrojenych Sił, tut studenty mohuć adpracoŭvać vučebna-bajavyja zadačy», — adznačyŭ jon.

Načalnik suviazi Uzbrojenych Sił raskazaŭ, što ŭ Biełaruskaj dziaržaŭnaj akademii suviazi i raniej rychtavali śpiecyjalistaŭ dla Minabarony. «Ale takija śpiecyjalisty byli hatovy pa hramadzianskich śpiecyjalnaściach, i dla taho kab intehravać navučańnie pa hramadzianskich i vajennych śpiecyjalnaściach, my i stvaryli vajennuju kafiedru. Śpiecyjalistaŭ buduć rychtavać vykładčyki-vajennyja, načalnik kafiedry - pałkoŭnik Ihar Mačycha, ź im buduć pracavać jašče čatyry vykładčyki. My možam padrychtavać śpiecyjalistaŭ i dla Dziaržaŭnaha pahraničnaha kamiteta, unutranych vojskaŭ, dla inšych vojskaŭ i voinskich farmiravańniaŭ», — raskazaŭ jon.

Hienadź Kazakoŭ rastłumačyŭ, što paśla zakančeńnia navučańnia studenty zdajuć ekzamieny i atrymlivajuć dypłom, potym prychodziać u voinskuju čaść, prachodziać atestacyjnuju kamisiju, zdajuć unutrany ekzamien — i ŭ vypadku paśpiachovaj zdačy atrymlivajuć voinskaje zvańnie praparščyka.

Z 1 vieraśnia 2018 hoda na vajskovaj kafiedry płanujecca adkryć padrychtoŭku aficeraŭ zapasu pa śpiecyjalnaści «Prymianieńnie źmiešanych padraździaleńniaŭ, voinskich čaściej i złučeńniaŭ suviazi» (akramia padraździaleńniaŭ i voinskich čaściej suviazi i radyjotechničnaha zabieśpiačeńnia avijacyi).

• 0
• 0
• 0
• 0
• 0
• 0
• 0
• 0