U ZŠA pamior akcior Bił Pekstan, jaki prasłaviŭsia paśla filma «Čužyja», što vyjšaŭ u 1986 hodzie. Pra śmierć Pekstana paviedamiła jaho siamja. Jamu byŭ 61 hod, pieradaje VVS.
Paviedamlajecca, što pryčynaj śmierci Pekstana stali ŭskładnieńni paśla apieracyi. Pradstaŭniki siamji nie raskryli nijakich inšych detalaŭ. Udava akciora i dźvie jaho dački paprasili pavažać ich prava na pryvatnaje žyćcio i nie pieraškadžać smutkavać «pa kachanym mužu i baćku».
Bił Pekstan naradziŭsia ŭ 1955 hodzie ŭ Techasie. Jon pačaŭ zdymacca ŭ 1980-ch hadach, syhraŭšy, u pryvatnaści, epizadyčnuju rolu ŭ «Terminatary» (1984).
Siarod najbolš viadomych rabot Pekstana — takija filmy, jak «Čužyja» (1986), «Drapiežnik 2» (1990), «Praŭdzivaja chłuśnia» (1994), «Apałon 13» (1995), «Śmierč» (1996) i «Tytanik» (1997).
Apošnim filmam Pekstana stała stužka «Žorstkija mary», jakaja vyjšła letaś.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku14
Kamientary