Prahramist Dyjanis Brek ź dziacinstva zachaplaŭsia vieršami: u jaho siamji ich časta i čytali pa pamiaci, i navat pisali. Narešcie, chłopiec znajšoŭ jašče adno prymianieńnie familnamu chobi.
«U budynku, dzie ja zaraz pracuju raspracoŭščykam mabilnych prahram, jość kaviarnia. Niekalki dzion zapar ja chadziŭ tudy, braŭ kavu i čytaŭ znojdzienyja tam zborniki vieršaŭ va ŭtulnym kreśle. Mienavita tam ja vyrašyŭ zrabić niejki dadatak, kab inšyja ludzi taksama mahli zachaplacca paezijaj u lubym miescy», — raskazaŭ «NN» Dyjanis.
Dadatak chłopiec zrabiŭ za niekalki viečaroŭ. Kudy bolš času pajšło na zbor i afarmleńnie tekstaŭ. Z dyzajnam Dyjanisu dapamahaŭ kaleha. U finalny varyjant uvajšli 188 vieršaŭ.
Zaraz «Jakuba Kołasa» možna spampavać u iTunes, ale chutka źjavicca i varyjant dla karystalnikaŭ mabilnych telefonaŭ na płatformie Android. Akrama taho, zychodny kod stavaralnik pakinuŭ u adkrytym dostupie, tamu stvaryć niešta padobnaje moža luby achvotnik.
Kamientary