Amal 4000 dziaržsłužačych byli zvolnienyja ŭ Turcyi ŭ subotu ŭ chodzie čarhovaha raŭnda čystak, jakija rušyli za sprobaj vajennaha pieravarotu suprać prezidenta Erdahana ŭ lipieni 2016 hoda, piša VVS.
Zhodna z ukazam, apublikavanym u dziaržaŭnaj haziecie T. C. Resmi Gazete, svaich pasadaŭ pazbaŭlenyja 1127 supracoŭnikaŭ ministerstva justycyi (u tym liku turemnyja achoŭniki), bolš za tysiaču vajskoŭcaŭ, 484 rabotnikaŭ navukovaj śfiery, 201 supracoŭnik ministerstva pa spravach relihii i inšyja słužačyja — usiaho 3974 čałavieki.
Usie jany pieraličanyja va ŭkazie pajmienna.
Nadzvyčajnaje stanovišča, uviedzienaje ŭ Turcyi paśla sproby dziaržaŭnaha pieravarotu, dazvalaje ŭvodzić novyja zabarony.
U tym ža vypusku T. C. Resmi Gazete apublikavany ŭkaz ab zabaronie papularnaha ŭ Turcyi telešou ab spatkańniach i viasiellach. «Na radyjo i telebačańni nie moža być dazvolenaje isnavańnie prahram, dzie ludziej znajomiać, kab znajści im paru», — havorycca va ŭkazie.
Ranicaj u subotu Turcyi zabłakavali Vikipiedyju. Raniej adzin z karystalnikaŭ internet-encykłapiedyi adredahavaŭ artykuł pra Erdahana, nazvaŭšy jaho dyktataram. Choć praŭka była chutka vydalenaja redaktarami, skrynšoty razyšlisia pa sacyjalnych sietkach.
Ułady Turcyi rehularna błakujuć dostup da roznych internet-sajtaŭ, u tym liku Facebook, Twitter i YouTube.
Masavyja čystki i aryšty byli razhornutyja ŭ Turcyi paśla taho, jak častcy tureckich vajennych nie ŭdałosia pierachapić uładu ŭ prezidenta Redžepa Taipa Erdahana, jaki kiruje krainaj užo 14 hadoŭ — spačatku jak premjer-ministr, a potym jak prezident. Ź lipienia minułaha hoda ahułam było zvolniena bolš za 120 tysiač čałaviek, bolš za 40 tysiač byli aryštavanyja.
17 krasavika ŭ Turcyi prajšoŭ refierendum: bolšaść hramadzian vykazalisia za pašyreńnie prezidenckich paŭnamoctvaŭ i skasavańnie pasady premjer-ministra. Pavodle danych Vyšejšaj vybarčaj rady Turcyi, «za» prahałasavali 51,4% tych, chto pryjšoŭ na ŭčastki, suprać — 48,6%.
Mižnarodnyja naziralniki z ABSIE zajaŭlali, što kampanija pa praviadzieńni refierendumu nie adpaviadała mižnarodnym standartam.
Ciapier čytajuć
U Minsku pierasabrali Rakaŭskaje pradmieście. Tam užo hulajuć, fatahrafujucca i jaduć14
Kamientary