«My ŭsie ruskija». Deputat Dziaržaŭnaj dumy zajaviŭ, što meta vajny — stvaryć adzinuju dziaržavu Rasii, Biełarusi i Ukrainy
Hienierał Viktar Sobaleŭ zaklikaŭ da «adnaŭleńnia ruskaha śvietu ŭ jaho naturalnych miežach».
Člen kamiteta rasijskaj Dziarždumy pa abaronie Viktar Sobaleŭ vykazaŭ svaju interpretacyju met vajny Rasii suprać Ukrainy.
Pavodle słoŭ hienierała, rasijskaja armija pravodzić tak zvanuju śpiecapieracyju dla taho, kab stvaryć adzinuju sajuznuju dziaržavu Rasii, Biełarusi i Ukrainy.
«Poŭnym rašeńniem voś hetych metaŭ śpiecyjalnaj vajennaj apieracyi źjaŭlajecca stvareńnie adzinaj sajuznaj dziaržavy Rasii, Ukrainy i Biełarusi. Adnaŭleńnie ruskaha śvietu ŭ miežach jaho naturalnych miežaŭ.
My ŭsie — ruskija, Kijeŭ — maci haradoŭ ruskich, kniaź Uładzimir — ruski, Juryj Daŭharuki — ruski, Jarasłaŭ Mudry — ruski i tak dalej. Tamu my pavinny, biezumoŭna, abaranić svoj ruski śviet. Inačaj my možam i krainu nie zachavać», — zajaviŭ Sobaleŭ u intervju RTVI.
Dla vyrašeńnia hetych zadač, pavodle mierkavańnia deputata, patrebnaja mocnaja dobra navučanaja armija i «vajenna-patryjatyčnaje vychavańnie moładzi i darosłych».
Ciapier čytajuć
Hurt «Drazdy» pakidaje scenu i vinavacić u hetym «hipieraktyŭnych błohieraŭ»5
Hurt «Drazdy» pakidaje scenu i vinavacić u hetym «hipieraktyŭnych błohieraŭ»
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha182182
Kamientary