Finalist piesiennaha konkursu «Jeŭrabačańnie» Kryścijan Kostaŭ zajaviŭ u adnym ź intervju, što ŭ vypadku svajoj pieramohi razabje ŭznaharodu konkursu — «Kryštalny mikrafon» — u Maskvie. Adpaviednaje videa apublikavana ŭ YouTube. «Spadziajusia, što ja pryjedu ŭ Maskvu z «Kryštalnym mikrafonam» (pieramožnaj uznaharodaj «Jeŭrabačańnia», — zaŭv. Red.) i razabju jaho na videa. Spadziajusia, jano źbiare šmat prahladaŭ», — zajaviŭ Kostaŭ na videa.
U toj ža čas sam śpiavak paźniej zajaviŭ, što rasiejskija ŚMI niapravilna traktavali ahučanuju im infarmacyju, pieradaje Depo.ua. «Viadoma, ja nie chaču ničoha raźbivać. Rasiejcy nie dali mnie dahavaryć. Heta była mietafara. Ja mieŭ na ŭvazie, što chacieŭ by padzialić pieramohu sa svajoj kamandaj», — raspavioŭ Kostaŭ žurnalistam na čyrvonaj darožcy.
Krychu paźniej Kryścijan Kostaŭ dadaŭ, što ŭ zachapleńni ad Kijeva. Raniej paviedamlałasia, što pradstaŭnik Bałharyi na «Jeŭrabačańni-2017» vystupaŭ u akupavanym Krymie. Vystup Kostava na paŭvostravie adbyŭsia 1 červienia 2014 hoda, heta značyć, praź niekalki miesiacaŭ paśla anieksii paŭvostrava Rasiejaj. Adnak 17-hadovaha pradstaŭnika Bałharyi na «Jeŭrabačańni-2017», jaki papaŭsia na vystupach u akupavanym Krymie, naŭrad ci napatkaje los zabaronienaj va Ukrainie Julii Samojłavaj. Śpiavak praciahnie ŭdzieł u piesiennym konkursie, bo naviedvaŭ paŭvostraŭ jašče da pryniaćcia zakona ab pierasiačeńni miažy, jaki siońnia heta zabaraniaje.
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza25
Kamientary