Incydent adbyŭsia ŭ sakaviku. U mai sprava była pieradadziena ŭ sud.
Minčanin 1981 hoda naradžeńnia z 15 hadoŭ užyvaŭ hierain, hašyš i inšyja narkotyki, raspaviała «Našaj Nivie» Natalla Kuncevič, namieśnik prakurora Zavodskaha rajona Minska.
Zatrymali mužčynu 17 sakavika. Udzień jon biehaŭ hołym pa vulicy Taškienckaj, valaŭsia na ziamli, prapanoŭvaŭ minakam ustupić ź im u pałavuju suviaź. Toje ž samaje mužčyna prapanavaŭ i milicyi, jakaja prybyła na zatrymańnie. Ničoha z taho, što adbyłosia, jon nie pamiataje.
Paźniej mužčyna raspavioŭ milicyjantam, što z 2015-ha zaviazaŭ, ale 17 sakavika hetaha hoda sarvaŭsia i užyŭ psichatropy — narkotyk viadomy pad nazvaj «chutkaść».
Na mužčynu zaviedzienaja sprava ab chulihanstvie. Sam jon znachodzicca doma pad padpiskaj ab niavyjeździe.
Ekśpierty pryznali mužčynu adekvatnym.
Abvinavačany byŭ raniej sudzimy za rabavańni, ale sudzimaści pahašanyja i źniatyja. Jon nidzie nie pracuje, žyvie z baćkami i znachodzicca na ŭliku ŭ narkadyspansiery.
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ14
Kamientary