U filmie Oliviera Stoŭna «Intervju z Pucinym», jaki budzie pakazany ŭ ZŠA 12-15 červienia, prezident RF Uładzimir Pucin zhadvaje svaich unukaŭ. Pra heta paviedamlaje Mieduza sa spasyłkaj na telekanał CNN, žurnalisty jakoha pahladzieli pieršyja dźvie sieryi.
Razmovu pra ŭnukaŭ u filmie zavodzić Stoŭn, pytajučysia: «Vy lubicie svaich unukaŭ?» Pucin adkazvaje śćviardžalna, ale adznačaje, što ŭ jaho jość nie tak šmat času na toje, kab hulać ź imi.
Ci jość u filmie niejkija padrabiaznaści pra ŭnukaŭ prezidenta Rasii, CNN nie ŭdakładniaje.
Premjera «Intervju z Pucinym» na kanale Showtime adbudziecca 12-15 červienia. U Rasii film pakaža Pieršy kanał 19-22 červienia.
Va Uładzimira Pucina i jaho byłoj žonki Ludmiły Pucinaj jość dźvie dački, Maryja i Kaciaryna. Aficyjna pra ich žyćcio ničoha nieviadoma. Pavodle danych ŚMI, Maryja zajmajecca navukaj; jana zamužam za hałandskim biznesmienam Jorytam Jostam Faasenam (i nosić jaho proźvišča), u ich jość dačka.
Kaciaryna, pa infarmacyi žurnalistaŭ, vykarystoŭvaje proźvišča Cichanava i ŭznačalvaje fond «Inapraktyka», jaki zajmajecca prajektam navukovaj daliny MDU. Jana zamužam za miljarderam Kiryłam Šamałavym, ci jość u ich dzieci — nieviadoma.
Pucin, jak praviła, admaŭlajecca adkazvać na pytańni ab svajoj siamji. U pryvatnaści, jon nie paćvierdziŭ i nie abvierh, ci davodzicca jamu dačkoj Kaciaryna Cichanava. Aficyjnych paviedamleńniaŭ ab tym, ci jość u jaho ŭnuki, taksama nie było.
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary