Pałata pradstaŭnikoŭ pakinuła ŭ sile prysud biełaruskaj movie na ŭpakoŭkach pradukcyi
Zakonaprajekt «Ab uniasieńni źmianieńniaŭ i dapaŭnieńniaŭ u Zakon Respubliki Biełaruś» Ab abaronie pravoŭ spažyŭcoŭ», jaki pryniali ŭ parłamiencie ŭ pieršym čytańni, pakinuŭ normu, zhodna ź jakoj vytvorca moža vybirać, na jakoj movie ŭkazvać infarmacyju ab tavary abo pasłuzie: biełaruskaj ci ruskaj, paviedamlaje partał pravo.by.
Jak patłumačyła člen Pastajannaj kamisii pa žyllovaj palitycy i budaŭnictvu Natalla Žybul, pry padrychtoŭcy zakonaprajekta deputaty kiravalisia pazicyjaj tych biełaruskich vytvorcaŭ, jakija śćviardžajuć: zakanadaŭča zamacavanaje patrabavańnie ŭkazvać infarmacyju ab tavarach, pasłuhach i na biełaruskaj, i na ruskaj movach paciahnie istotnaje padaražeńnie hetych tavaraŭ i pasłuh.
Pytańnie ab druhoj dziaržaŭnaj movie na ŭpakoŭcy burna abmiarkoŭvałasia ŭ parłamiencie. Za studzień u Pałatu pradstaŭnikoŭ pryjšło bolš za 200 zvarotaŭ, va ŭsich adno patrabavańnie — abaviazać vytvorcaŭ pisać infarmacyju na pakavańni na ruskaj i biełaruskaj movach.
Adnak biznes vystupiŭ za toje, kab nie mianiać isnujučuju normu.
— U hetym słoiku košt upakovačnych materyjałaŭ składaje 40%, — pryvodziŭ u prykład dziciačaje charčavańnie pieršy namieśnik staršyni kancerna «Biełdziaržcharčpram» Ihar Šustaŭ. - I što važna, tut skład pavinien być čytelny. Dla mamy važna, čym karmić dzicia. Sa spartovym charčavańniem, charčavańniem dla dyjabietykaŭ, dla ciažarnych žančyn taja ž historyja. Čysta technična (ja lublu movu) nielha budzie vyrabić heta charčavańnie ź infarmacyjaj na dźviuch movach. Heta budzie niečytelna.
U realnaści heta budzie aznačać, što biełaruskaja mova budzie nieprysutnaja na bolšaści ŭpakovak, bo standarty Mytnaha sajuza patrabujuć abaviazkovaj najaŭnaści ruskaj movy. U toj ža čas, u adroźnieńnie ad Kazachstana, nacyjanalnaje zakanadaŭstva nie rehłamientuje najaŭnaści biełaruskaj movy na ŭpakoŭcy. U vyniku biełaruskija vytvorcy znachodziać miesca dla kazachskich, ukrainskich nadpisaŭ, ale nie znachodziać dla biełaruskich.
-
U Polščy vydali padručnik dla vyvučeńnia biełaruskaj movy jak zamiežnaj. Jon pasuje i dla samanavučańnia
-
Kłunki, afełak, raschrystany. Biełarusy dzielacca trapnymi biełaruskimi słovami, jakija jany vykarystoŭvajuć u ruskaj movie
-
Apošnija biełaruskija hałasy. U Łathalii poŭnaściu vymierła biełaruskaja mova
Kamientary