Miemaryjalnyja doški Janku Kupału buduć ustanoŭlenyja ŭ Słavakii, paviedamiła dyrektar Dziaržaŭnaha litaraturnaha muzieja Janki Kupały Alena Laškovič na pres-kanfierencyi ŭ Minsku, pieradaje BIEŁTA.
«U nastupnym hodzie płanujecca ŭstalavać miemaryjalnyja doški ŭ Słavakii. Užo raspracavanaje eskiznaje rašeńnie, atrymanaja zhoda meraŭ haradoŭ», — raspaviała Alena Laškovič. Taksama prapracoŭvajecca pytańnie ab ustanaŭleńni miemaryjalnaj doški biełaruskamu paetu ŭ Finlandyi. «Došku płanujecca ŭstalavać pobač z vadaspadam Imatry, dzie ŭ 1910 hodzie pabyvaŭ narodny paet i jakomu pryśviaciŭ znakamity vierš «Nad Imatraj», — dadała dyrektar muzieja.
Jak adznačyŭ namieśnik ministra kultury Biełarusi Vasil Černik, Janka Kupała — adzin z samych jarkich i talenavitych majstroŭ słova, jaki vyvieŭ biełaruskuju paeziju na suśvietny ŭzrovień. Ciapier Ministerstva kultury Biełarusi sumiesna z muziejem Janki Kupały pravodzić šerah mierapryjemstvaŭ z nahody śviatkavańnia 135-hadovaha jubileju paeta. Siarod ich — vystavy ŭ Sierbii, Małdovie, Łatvii, Słavienii, Hruzii, jakija buduć arhanizavanyja da kanca hoda. Namieśnik ministra vykazaŭ upeŭnienaść u tym, što ŭsie mierapryjemstvy z nahody jubileju buduć mieć šyroki rezanans.
Kamientary