Pjanaja reŭnaść stała pryčynaj debošu u vioscy Niemanica Barysaŭskaha rajona. Pad padazreńniem u chulihanstvie — 28-hadovy miascovy žychar i jaho 42-hadovaja kachanka, raspaviali va UUS Minabłvykankama.
Napiaredadni para haściavała ŭ adnaviaskoŭcaŭ. Sustreča zaciahnułasia da poźniaha viečara.
«Pa darozie dadomu zakachanyja pasvarylisia i viartalisia ŭžo nie razam. U niejki momant pjanaj žančynie zdałosia, što jaje kachany zajšoŭ u dom, u jakim nibyta pražyvała jaho paluboŭnica. Jana razzłavałasia i pačała bić škło ŭ domie tratuarnaj plitkaj», — raspavioŭ načalnik kryminalnaha vyšuku Zaharodnaha adździeła milicyi Barysaŭskaha RUUS Dźmitryj Kalečanok.
Usiaho złamyśnica paškodziła 8 škłopakietaŭ i ŭvachodnyja dźviery, pryčyniŭšy škodu na 10 tys. rubloŭ (prykładna $5000) haspadaru asabniaka, jaki na momant złačynstva znachodziŭsia ŭ Barysavie.
Akazałasia, kavaler sapraŭdy źviarnuŭ na darohu da čužoj dačy, ale krychu dalej ad miesca zdareńnia. Raźbiŭšy škło, jon prakraŭsia ŭ žyllo i zasnuŭ. Ranicaj niaprošanaha hościa zaśpieŭ haspadar, jaki i vyklikaŭ milicyju.
Padazravanych zatrymali. U dačynieńni da žančyny raspačata kryminalnaja sprava pa č.1 art.339 KK Biełarusi (chulihanstva). Joj pahražaje da 3 hadoŭ pazbaŭleńnia voli z kampiensacyjaj škody.
Dziejańniam kavalera dajecca pravavaja acenka. Na miescy zdareńnia jon ničoha nia skraŭ.
Ciapier čytajuć
Zialenski ŭ Vilni: Pakul špic Łukašenki maje bolš pravoŭ, čym narod Biełarusi16
Kamientary