Navukoŭcy: Dla «jadziernaj vosieni» na Ziamli chopić usiaho 5 siarednich jadziernych bojehałovak
Novaje daśledavańnie ŭ Environment Magazine pakazała, što navat «nievialikaja» jadziernaja vajna z vykarystańniem mienš za piać jadziernych bombaŭ (mahčyma, najbolš imavierny scenar u vajnie 21-ha stahodździa) moža spravakavać «jadziernuju vosień», jakaja surjozna paškodzić naziemnym i vodnym ekasistemam. Pra heta piša UNIAN sa spasyłkaj na IFLS.
U novym dakładzie Univiersiteta Linkaln-Niebraska razhladajucca danyja ab 19 typach zbroi, jakija zachoŭvajucca ŭ arsienałach ZŠA, Rasiei, Kitaja, Vialikabrytanii i Francyi. Navukoŭcy pryjšli da vysnovy, što piać A-bombaŭ, skinutych na horad, mohuć vyklikać «jadziernuju zasuchu». Akramia taho, Kitaj moža spravakavać jadziernuju zasuchu ŭsiaho adnoj, svajoj samaj mahutnaj bombaj (jakich u jaho 20 štuk).
Papiarednija daśledavańni pakazali, što poŭnaje źniščeńnie horada pamieram z Łos-Andželes jadziernaj bombaj moža na miesiacy padniać u strataśfieru 5,5 młn ton popiełu i sažy, što budzie pieraškadžać trapleńniu pramych soniečnych pramianioŭ na Ziamlu. Taksama heta rezka źniziła b tempieraturu i kolkaść apadkaŭ pa ŭsim śviecie.
Zrazumieła, u minułym stahodździ byli skinutyja tysiačy jadziernych bombaŭ, ale «jadziernaja vosień» pakul nie nadyšła. Adnak heta źviazana z mnohimi faktarami, ad charaktaru sučasnaj vajny da mahutnaści bombaŭ.
«Pytańnie nie ŭ tym, ci moža adbycca jadziernaja zasucha, ale jakija faktary pavialičvajuć jaje imaviernaść i jakija dziejańni mohuć być pryniatyja dla źmiakčeńnia patencyjna razburalnych hłabalnych uździejańniaŭ?» — adznačaje kiraŭnik prajekta Adam Liska.
«Navat kanflikt, u jaki nie buduć uciahnutyja ZŠA, moža paŭpłyvać na nas i ludziej va ŭsim śviecie», — skazaŭ suaŭtar pracy Tajler Uajt, jaki śpiecyjalizujecca na mižnarodnaj biaśpiecy i jadziernaj palitycy.
-
Antarktyda maje «hravitacyjnuju dzirku». Što heta takoje i ci niasie pahrozu płaniecie?
-
«Jandeks Braŭzier» analizuje navat asabistyja paviedamleńni. Voś jakija źviestki źbirajuć braŭziery i čamu heta važna
-
Na karybskim vostravie vypraboŭvajuć inavacyjnuju sistemu chvalevaj enierhietyki i apraśnieńnia vady
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ79
Kamientary