Viniarskamu i Nikałajčyk dali sutki za červieńskuju akcyju salidarnaści z palitviaźniami
U sudzie Centralnaha rajona Minska razhladajucca administratyŭnyja spravy udzielnikaŭ pikietu salidarnaści ź fihurantami «spravy patryjotaŭ». Pratakoły składzienyja za ŭdzieł u niesankcyjanavanym masavym mierapryjemstvie (art. 23.34 KaAP).
Heta pieršyja sudovyja pracesy, źviazanyja z realizacyjaj hramadzianami kanstytucyjnaha prava na mirnyja schody, jakija adbyvajucca paśla praviadzieńnia ŭ Minsku pasiedžańnia Parłamienckaj asamblei ABSIE.
22 červienia bolš za 10 aktyvistaŭ vyjšli na Kastryčnickuju płošču z partretami źniavolenych i raściažkaj «Svabodu palitviaźniam». Supracoŭniki milicyi nikoha nie zatrymlivali, adnak viali aktyŭnuju vedeafiksacyju ŭdzielnikaŭ akcyi.
Pravaabaroncy vałodajuć infarmacyjaj pra siemiarych ŭdzielnikaŭ akcyi, na jakich składzienyja pratakoły pravaparušeńnia. Mahčyma, sudoŭ siońnia budzie bolej.
11-00. Maksim Viniarski; sudździa Viktoryja Šabunia, pastanova - aryšt 15 sutak. Maksim Viniarski na sud nie zmoh pryjści, byŭ na pachavańni svajaka.
12-00. Mikita Krasnakucki; sudździa Ivan Kaścian, pastanova - štraf 30 bazavych vieličyń;
12-00. Andrej Šarenda sudździa Viktoryja Šabunia, sprava adpraŭlenaja na dapracoŭku ŭ RUUS;
14-00. Mikałaj Łohvinaŭ; sudździa Ivan Kaścian, pastanova - štraf 30 bazavych vieličyń;
14-30. Volha Nikałajčyk; sudździa Viktoryja Šabunia, pastanova - aryšt na 10 sutak, dali 5 dzion na abskardžvańnie;
15-30. Arciom Čarniak; sudździa Ivan Kaścian,
17-00. Leanid Kułakoŭ; sudździa Ivan Kaścian,
Pratakoły administracyjnaha pravaparušeńnia składzienyja pa častcy 3 art 23.34 KaAP (arhanizacyja abo ŭdzieł u niesankcyjanavanym masavym mierapryjemstvie, ździejśnienym paŭtorna na praciahu hoda).
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary