Amierykanski hienierał Džozef Danfard ličyć niejmaviernym nie kanflikt z KNDR, a situacyju, u jakoj Vašynhton dazvolić Pchieńjanu nanieści jadzierny ŭdar pa terytoryi ZŠA.
ZŠA nie pavinny vyklučać mahčymaść uzbrojenaha kanfliktu z KNDR, jadziernaja prahrama jakoj stanovicca hałoŭnaj niepasrednaj pahrozaj dla Amieryki. Pra heta ŭ subotu, 22 lipienia, zajaviŭ hienierał Džozef Danfard na forumie pa biaśpiecy ŭ Aśpien u štacie Kałarada.
Pry hetym jon padkreśliŭ važnaść ekanamičnaha i dypłamatyčnaha cisku na režym u Pchieńjanie z tym, kab prymusić jaho admovicca ad stvareńnia jadziernaj zbroi. I ŭsio ž uzbrojenaja kanfrantacyja ZŠA z Paŭnočnaj Karejaj nie źjaŭlajecca «niejmaviernaj», jak pra heta kažuć mnohija ludzi», skazaŭ Danfard, jaki zajmaje pasadu staršyni Kamiteta načalnikaŭ štaboŭ uzbrojenych sił ZŠA.
Pa słovach hienierała, dla jaho «niejmaviernym źjaŭlajecca dapuścić, kab paŭnočnakarejskija jadziernyja rakiety ŭdaryli pa» terytoryi ZŠA. Tamu svajoj zadačaj Danfard bačyć «vykarystańnie vajennych mier, kab nie dapuścić hetaha». Kažučy ab mahčymym vajennym kanflikcie na Karejskim paŭvostravie, amierykanski hienierał pryznaŭ, što jon budzie «žachlivym i pryviadzie da achviaraŭ, jakich nie viedajuć ludzi, jakija vyraśli paśla Druhoj suśvietnaj vajny».
Paŭnočnaja Kareja ŭ minułym hodzie praviała 16 rakietnych testaŭ i dva vyprabavańni jadziernaj zbroi, zaŭvažyŭ Danfard. Pavodle jaho słoŭ, hetaja kraina prasoŭvajecca da stvareńnia mižkantynientalnaj jadziernaj rakiety, zdolnaj nieści jadziernuju bojehałoŭku, jakaja zmoža dasiahnuć terytoryi ZŠA.
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary