Leta ŭ hetym hodzie nie raduje: to doždž, to choład. A tut jašče tydzień - i žnivień. Tut.by pacikaviŭsia ŭ sinoptykaŭ, ci varta čakać i vieryć, što ciapło sioleta ŭsio ž taki pryjdzie.
- U 40 hadach sa sta žnivień — samy ciopły miesiac leta, i nie vyklučana, što sioleta tak i zdarycca, - kaža Alena Kamaroŭskaja, načalnik adździeła klimatu Biełhidramiet. - Hety tydzień budzie ciopłym, choć i z daždžami.
A voś da vychadnych nadvorje znoŭ sapsujecca: tempieratura panizicca, pojduć daždžy.
Tym nie mienš, udakładniaje śpiecyjalist, u pačatku žniŭnia sinoptyki ŭsio ž taki čakajuć pavyšeńnia tempieratur.
Darečy, niahledziačy na, zdavałasia b, choład za aknom, siaredniaja tempieratura za hetyja paŭhoda vyrasła - ciapier jana na 1,7 vyšej za klimatyčnuju normu i składaje 5,1 hradusa. Hałoŭny ŭkład u pavyšeńnie ŭnieśli pieršyja try miesiacy hoda. Tak, naprykład, zima ŭ 2017-m skončyłasia vielmi rana. Užo 17-18 lutaha zdaryŭsia pierachod siaredniasutačnaj tempieratury praz 0.
- Heta niedzie na miesiac raniej za zvyčajnyja terminy, - praciahvaje Alena Kamaroŭskaja. - Ciopłaj była i pieršaja pałova viasny. U sakaviku tempieratury byli na 6 hradusaŭ vyšej za normu. Takija vysokija pakazčyki naziralisia ŭsiaho čatyry razy za ŭvieś pieryjad nazirańniaŭ.
A voś siaredzina krasavika-maja atrymałasia chałodnaj. Tak śvieža na vulicy nie było ni razu za ŭvieś paślavajenny pieryjad.
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ14
Kamientary