Kolkaść śpiermatazoidaŭ u mužčyn u raźvitych krainach skaraciłasia ŭdvaja za apošnija 40 hadoŭ. Kali ničoha z hetym nie rabić, čałaviectva vymre, papiaredzili navukoŭcy.
«Budučynia mianie tryvožyć, — skazaŭ Bi-bi-si adzin z aŭtaraŭ daśledavańnia doktar Chaha Levin. — U pierśpiektyvie heta moža stać prablemaj z repradukcyjaj ŭ cełym i pryvieści da vymirańnia čałaviectva».
Levin z kalehami z Habrejskaha ŭniviersiteta ŭ Ijerusalimie tłumačać svaju publikacyju Human Reproduction Update na vynikach 200 daśledavańniaŭ u Jeŭropie, Aŭstralii, Novaj Ziełandyi i Paŭnočnaj Amierycy.
U Azii, Afrycy i Paŭdniovaj Amierycy takoha spadu nie nazirajecca, pišuć navukoŭcy, ale ahavorvajucca, što tam im daviałosia karystacca našmat bolš biednymi dadzienymi.
Levin zaścierahajecca, što mužčyn na hetych kantynientach napatkaje taja ž dola.
«Treba niešta rabić. Naprykład, lepš rehulavać prymianieńnie chimikataŭ. I my prosta abaviazanyja praciahnuć baraćbu z zališniaj vahoj i kureńniem», — zaklikaje navukoviec.
Navukoŭcy, jakija nie mieli dačynieńnia da hetaha daśledavańnia, u cełym vysoka aceńvajuć pracu kalehaŭ, ale niekatoryja paličyli ich vysnovy paśpiešnymi.
«Ni adna z padobnych publikacyj da hetaha času nie vyklikała ŭ mianie asablivaha davieru, — skazaŭ prafiesar Ałan Pejsi z Univiersiteta Šefiłda. — Adnak doktar Levin z kalehami ŭličyli bolšuju častku niedachopaŭ papiarednich daśledavańniaŭ».
Na jaho dumku, praca Levina ŭjaŭlaje ź siabie značny krok napierad, ale heta tolki asnova dla dalejšaha vyvučeńnia prablemy.
Da hetaha času nie zrazumieła, čamu jakaść śpiermy horšaje. Siarod pryčyn nazyvali chimikaty, jakija ŭvachodziać u skład uhnajeńniaŭ i płastyka, atłuścieńnie, kureńnie, stres i małaruchomy ład žyćcia.
Ciapier čytajuć
Łukašenka kaža, što prapanoŭvaŭ Zachadu «pieradać niekalki tysiač» palitviaźniaŭ25
Łukašenka kaža, što prapanoŭvaŭ Zachadu «pieradać niekalki tysiač» palitviaźniaŭ
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary