Biełaruś i Afhanistan pavinny pierajści ad pažadańniaŭ i razmoŭ da vybudoŭvańnia kankretnaha supracoŭnictva. Pra heta Alaksandr Łukašenka zajaviŭ siońnia na sustrečy z premjeram Afhanistana Abdułoj Abdułoj.
Kiraŭnik krainy zaŭvažyŭ, što adnosiny Savieckaha Sajuza z Afhanistanam byli niaprostymi — tak skłałasia historyja. Biełaruś jak adna z byłych respublik SSSR taksama niasie adkaznaść za padziei, jakija adbyvalisia ŭ tyja časy.
«Hetaja adkaznaść nie tolki na Savieckim Sajuzie. U bolšaj stupieni heta adkaznaść i inšych krain, vy ich dobra viedajecie. Ja nie prychilnik taho, kab zabyvać historyju, ale i pakutavać ŭvieś čas pa tych pracesach, napeŭna, budzie niapravilna. Treba vybudoŭvać adnosiny, treba rabić usio, kab u budučyni našy adnosiny byli vydatnymi i kab nam nie było soramna hladzieć adzin adnamu ŭ vočy, — skazaŭ Alaksandr Łukašenka. — u suviazi z hetym ja chaču vas jak kiraŭnika vykanaŭčaj ułady zapeŭnić, što naš urad budzie rabić usio la taho, kab vybudavać fundamient našych adnosin, umacavać, napoŭnić ich kankretnym źmiestam, pierajści ad pažadańniaŭ, razmoŭ da peŭnaha supracoŭnictva. My da hetaha hatovy».
Kiraŭnik dziaržavy zapeŭniŭ, što Biełaruś hatova raźvivać uzajemadziejańnie pa ŭsich napramkach, jakija mohuć być cikavyja Afhanistanu.
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary