Hamialčuk abviaściŭ siabie naščadkam Rurykavičaŭ z Ramanavymi i patrabuje hrošy ad rasiejcaŭ «za vykarystańnie familnaha hierba»
U meryju rasijskaha horada Uładzimira pryjšoŭ list ad žychara Homiela. Mužčyna patrabuje ad horada hrošaj za karystańnie hierbam. Piša, što jon naščadak Rurykavičaŭ, tamu choča svoj pracent.
Nazyvaje siabie biełaruski «kniažyč» aryhinalna — Siarhiej Ramanaŭ Ruryk. Pry hetym sapraŭdnaje proźvišča jaho Bandarenka, sam jon žyvie ŭ Homieli, ale čamu ličyć siabie kniažackim naščadkam, nieviadoma. Prynamsi, u pierapiscy Siarhiej nie zmoh dać nijakich dokazaŭ. U jakaści arhumienta «Ramanaŭ-Ruryk-Bandarenka» paraŭnoŭvaje svaju fatahrafiju z partretam Vialikaha Kniazia Michaiła Ramanava, paviedamlaje rasijski partał kluch.media.
Siarhiej nazyvaje dynastyju Rurykavičaŭ «tatavaj siamjoj» i ličyć siabie jaje pravapierajemnikam. A zaadno i pravapierajemnikam siamji Ramanavych.
Akramia taho, jon patrabuje pryznać, što hierb uładzimirskich kniazioŭ ŭ 1992 hodzie byŭ prysvojeny Uładzimiru samavolna. A pakolki Siarhiej — zakonny spadčyńnik kniazioŭ i caroŭ, to maŭlaŭ, chaj horad płacić jamu za vykarystańnie lva na svaim hierbie.
«Ramanaŭ Ruryk» patrabuje 0,15% ad ahulnaha biudžetu horada. Naprykład, u 2016 hodzie biudžet Uładzimira skłaŭ kala $110 miljonaŭ, tak što «rojałci za hierb» skłali b kala $165 tysiač.
Niezrazumieła, ci to mužčyna trolić uładzimirskich čynoŭnikaŭ, ci to maje prablemy ź psichikaj. Raniej jon užo pisaŭ zapyty ŭ roznyja instancyi. Časam padpisvaŭ ich tak: «Romanov Riurik kniaź Monomach Vtoroj Sierhiej Arsieńjevič». Adras byŭ paznačany jak «uł. Sovietskaja, horod Homiel, Čiernihovskoje kniažiestvo, Kijevskaja Ruś»
Ciapier čytajuć
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka1
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary