Sud Maskoŭskaha rajona Bresta vynies abvinavaŭčy prysud u dačynieńni da miascovaha žychara, 1978 hoda naradžeńnia, jaki vierbavaŭ dziaŭčat dla zaniatku prastytucyjaj u Rasii, paviedamiła karespandentu BiełTA pamočnik prakurora Bresta Alena Šarko.
Mužčyna pryznany vinavatym u zamachu na vykarystańnie zaniatku prastytucyjaj, źviazanym z vyvazam za miežy dziaržavy. Sud daŭ jamu 5 hod pazbaŭleńnia voli z adbyćciom pakarańnia ŭ papraŭčaj kałonii ŭzmocnienaha režymu z kanfiskacyjaj majomaści.
Śviedkami pa spravie prachodzili try žycharki Bresta. Mužčyna padčas telefonnych pieramoŭ i asabistych sustreč pierakanaŭ dziaŭčat zajmacca prastytucyjaj u Maskvie. Jon rastłumačyŭ im umovy i pamiery apłaty za akazańnie seksualnych pasłuh, papiaredziŭ, što častku atrymanych hrošaj treba budzie addavać arhanizataram.
Sam sutenior za kožnuju pryviezienuju dziaŭčynu pavinien byŭ štomiesiac atrymlivać uznaharodžańnie ŭ pamiery $ 250. Mužčyna arhanizavaŭ vyjezd dziaŭčat za miežy Biełarusi na aŭtamabili svajho znajomaha, adnak davieści zaduma da kanca nie zmoh - handlar žyvym tavaram byŭ zatrymany 7 červienia kala vioski Fiedźkavičy.
U sudzie bieraściejec pryznavaŭ vinu i kajaŭsia.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary