Čatyry amierykanskija kampanii vyjhrali tendar na budaŭnictva pratatypa ściany, jakuju prezident Donald Tramp choča ŭźvieści na miažy ź Mieksikaj, paviedamiła Mytna-pamiežnaja słužba ZŠA.
Čatyry bietonnych madeli 30 futaŭ (9 mietraŭ) daŭžynioj i 30 futaŭ vyšynioj pavinny być pabudavanyja ŭ bližejšyja miesiacy, paviedamlaje VVS.
Zatym na praciahu dvuch miesiacaŭ ścieny z dapamohaj nievialikich ručnych instrumientaŭ buduć praviarać na tryvałaść, paviedamili ŭ viedamstvie.
Košt kožnaha kantraktu — da 500 tysiač dalaraŭ.
Uźviadzieńnie sucelnaj ściany pa ŭsioj paŭdniovaj miažy ZŠA było adnym z hałoŭnych pieradvybarčych abiacańniaŭ Donalda Trampa.
Zrešty, z-za prablem z uzhadnieńniem biudžetu ŭ kanhresie ŭ nastupnym hodzie prajekt moža zastacca bieź finansavańnia.
Budaŭnictva pratatypaŭ dapamoža skarektavać prajektnyja narmatyvy dla budučaj sapraŭdnaj ściany, skazaŭ vykonvajučy abaviazki namieśnika načalnika słužby Ronald Vicijeła.
«U chodzie pravierak my budziem hladzieć na estetyčnyja charaktarystyki, nakolki lohka praź ich možna prabracca, nakolki jany ŭstojlivyja da paškodžańniaŭ, i budziem aceńvać kanstrukcyi, jakija praduchilajuć mahčymaść pieraleźci praź ich», — skazaŭ jon.
U ścienach taksama pavinny być praduhledžanyja kabielnyja kanały dla datčykaŭ i kamier.
Čatyry kampanii, jakija vyjhrali kantrakty:
- Caddell Construction, Manthomiery, štat Ałabama
- Fisher Industries, Tempie, štat Aryzona
- Texas Sterling Construction, Chjustan, Techas
- WG Yates & Sons Constructio, Fiładelfija, Misisipi
Vicijeła skazaŭ, što nie viedaje, ci jość u hetych kampanij dośvied u budaŭnictvie pamiežnych ścien.
Paviedamlałasia, što zajaŭki na ŭdzieł u prajekcie padali bolš za 200 kampanij.
Na nastupnym tydni buduć abvieščanyja kantrakty na budaŭnictva pratatypaŭ, zroblenych ź inšych materyjałaŭ, akramia bietonu.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary