Akazvajecca, viadomaja siońnia traktoŭka koleraŭ źjaviłasia tolki ŭ siaredzinie XX stahodździa.
Pra heta vydańniu «Business Insider» raspavieŭ ekśpiert pa kolery, vykładčyk i piśmieńnik Hevin Evans:
«Jašče ŭ kancy XIX — pačatku XX stahodździa maci, naadvarot, raili apranać niemaŭlat mužčynskaha połu ŭ ružovy, kali jany chacieli, kab dzicia vyrasła mužnym, i ŭ błakitny, kali heta dziaŭčynka, jakoj spatrebiacca miakkija, žanočyja rysy».
Na toje było niekalki pryčyn: tak, sini koler u niekatorych častkach Jeŭropy daŭno asacyjujecca z žanockaściu, bo mienavita ŭ takoj hamie aformlena mierkavanaje ŭbrańnie Dzievy Maryi. Ružovy ž usprymaŭsia ŭsiaho tolki jak adna ź viersij čyrvonaha.
Situacyja źmianiłasia paśla niekalkich bujnych rekłamnych kampanij, pryblizna ŭ 1950 hodzie. Mienavita markietołahi prydumali, što ružovy — dla dziaŭčynak, raskazvaje spadar Evans. Ideju padtrymali zorki taho času: Džeki Kenedzi farsiła ŭ ružovym palito ad «Šanel», Merlin Manro zapomniłasia mnohim jarka-ružovaj sukienkaj z kino «Džentlmeny addajuć pieravahu błandzinkam». Hety koler staŭ hałoŭnym na modnych pakazach i ŭ rekłamie z udziełam žančyn. Tak usie i zvyklisia z dumkaj, što ružovy — heta dla dziaŭčynak.
Heta historyja jašče raz dakazvaje, što ŭsio ŭ hetym žyćci ŭmoŭna.
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary