U piatnicu palitrada Abjadnanaj hramadzianskaj partyi abmierkavała situacyju, jakaja skłałasia paśla publičnaj zajavy Hanny Kanapackaj ab stvareńni novaha palityčnaha ruchu «Napierad, Biełaruś!», paviedamlajecca na sajcie AHP.
Pa vynikach sustrečy było pastanoŭlena, što dadzieny dakumient nieprymalny i parušaje statut partyi. Palitrada prapanavała Kanapackaj jaho dezavujavać i ŭ paniadziełak paviedamić partyi ab svaim rašeńni.
U chodzie abmierkavańnia pamočnik Kanapackaj Dzianis Cichanienka napisaŭ zajavu ab vychadzie z partyi.
Lidar AHP Anatol Labiedźka prakamientavaŭ situacyju:
«Dyskusija pakazała, što ŭ partyi zdarovaje jadro: my majem kansensus u acenkach taho, što adbyłosia. Byli tolki roznyja prapanovy, jak vyrašać hetuju prablemu. U tym liku radykalnyja — až da vyklučeńnia z partyi Hanny Kanapackaj i Dzianisa Cichanienki. Cichanienka ŭziaŭ na siabie ŭsiu adkaznaść jak aŭtar hetaha dakumienta i napisaŭ zajavu ab vychadzie z partyi.
My majem taksama zajavu Hanny Kanapackaj, što nijakaha ruchu jana nie źbirałasia stvarać, usio było zroblena dla stvareńnia infarmacyjnaj chvali, i ŭ paniadziełak pa dakumiencie, jaki vyklikaŭ dyskusiju nie tolki ŭ AHP, ale i ŭ sacyjalnych sietkach, budzie publičnaje abviaržeńnie».
Kamientary