Časopis Forbes skłaŭ rejtynh jeŭrapiejskich znakamitaściaŭ z samym vysokim prybytkam za apošnija 12 miesiacaŭ. Rejtynh uznačaliła brytanskaja piśmieńnica Džoan Roŭlinh — aŭtar «Hary Potera» apiaredziła futbalista Kryšcijanu Ranałdu.
Jaje zarobak skłaŭ $95 młn. Siarod krynic dachodu — adličeńni ad filma «Fantastyčnyja stvareńni i dzie jany pražyvajuć», źniataha pavodle ramana piśmieńnicy, a taksama prodažy knihi «Hary Poter i praklataje dzicia». U žniŭni Forbes nazvaŭ Roŭlinh samym vysokaapłatnym piśmieńnikam śvietu.
Roŭlinh apiaredziła ŭ rejtynhu futbalista madrydskaha «Reała» Kryšcijanu Ranałdu ($93 młn). Za minuły hod partuhalec praciahnuŭ kantrakt z «Reałam» na čatyry hady (štohod kłub budzie vypłačvać jamu pa €50 młn), a taksama padpisaŭ pažyćciovy rekłamny kantrakt z Nike — forvard budzie atrymlivać ad vytvorcy spartyŭnaha adzieńnia i abutku pa $24 młn štohod.
Treciaje miesca ŭ rejtynhu Forbes zajmaje brytanski pop-rok-hurt Coldplay ($88 młn). Asnoŭnaja častka zarobku kalektyvu Krysa Marcina prypadaje na hrošy ad vystupaŭ u miežach kancertnaha turne ŭ padtrymku alboma A Head Full of Dreams.
Čaćviorty radok taksama zajmaje muzyka ź Vialikabrytanii — śpiavačka Adel za 12 miesiacaŭ zarabiła $69 młn. Zamykaje pieršuju piaciorku šviejcarski tenisist Rodžer Fiederer ($64 młn). Na pačatku 2017 hoda jon upieršyniu amal za piać hadoŭ vyjhraŭ turnir «Vialikaha šlema» — Australian Open.
Šostaje i siomaje miescy dzielać brytancy: muzyka Ełtan Džon i televiadoŭca-kulinar Hordan Ramzi za hod zarabili pa $60 młn. Pieršy za hod daŭ kala 100 kancertaŭ, a druhi zapuściŭ jašče dva televizijnyja šou sa svaim udziełam.
Na vośmym miescy raźmiaściŭsia ser Poł Makartni, dachod jakoha skłaŭ $54 młn. U dziasiatku taksama ŭvajšli halfist Rory Makiłroj ($50 młn) i brytanski dydžej Kiełvin Charys.
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ56
Kamientary