Ukaz ab pryznačeńni Jaŭhiena Sturzy ministram abarony Małdovy padpisaŭ staršynia parłamienta Andryjan Kandu, jaki dla hetaha ŭziaŭ na siabie funkcyi časovaha vykanaŭcy abaviazkaŭ prezidenta. Jak paviedamlaje małdaŭskaje vydańnie Publika.md, novy kiraŭnik viedamstva, 32-hadovy Sturza, užo prynios prysiahu.
Z 2015 hoda Sturza źjaŭlajecca namieśnikam staršyni Narodna-jeŭrapiejskaj partyi Małdovy. Abaviazki kiraŭnika abaronnaha viedamstva Małdovy da hetaha času vykonvaŭ namieśnik ministra Hieorhij Hałbura.
Pasada ministra abarony stała vakantnaj u śniežni 2016 hoda. Libieralnaja partyja pazbaviła Anatoła Šałaru palityčnaj padtrymki, i ŭkaz ab jaho adstaŭcy padpisaŭ prezident Małdovy Ihar Dadon.
Dadon abvinavaciŭ Šałaru ŭ «flircie» z NATA, nahadaŭšy ab niejtralnym statusie Małdovy. Taksama prezidenta aburyła vystava amierykanskaj vajskovaj techniki na Płoščy vialikaha nacyjanalnaha schodu 9 maja.
Kanstytucyjny sud (KS) Małdovy 20 kastryčnika razhledzieŭ zapyt urada, u jakim urad krainy prasiŭ vyznačyć akaličnaści, pry jakich apraŭdanaje časovaje vykanańnie abaviazkaŭ prezidenta pry adabreńni kandydatury ministra abarony.
Taksama ŭrad paprasiŭ KS pryznačyć taho, chto vykanaje hetyja abaviazki. Sud pastanaviŭ, što abstavinami, pry jakich apraŭdanaje časovaje vykanańnie abaviazkaŭ kiraŭnika dziaržavy, źjaŭlajecca fakt admovy Dadona vykonvać svaje kanstytucyjnyja abaviazki. U pryvatnaści, ličać kanstytucyjnyja sudździ, prezident byŭ abaviazany zaćvierdzić kandydaturu ministra abarony Sturzy, jakuju dvojčy prapanavaŭ premjer-ministr. Pry hetym u svajoj pastanovie ad 20 kastryčnika KS nie pakazaŭ, chto sapraŭdy pavinien padpisać ukaz za prezidenta — śpikier parłamienta abo premjer-ministr.
Raniej, 17 kastryčnika, Kanstytucyjny sud vyrašyŭ, što ŭ vypadku admovy prezidenta pryznačyć prapanavanaha Demakratyčnaj partyjaj ministra abarony, heta mohuć zrabić śpikier abo premjer biez zhody i ŭdziełu prezidenta. Kamientujučy rašeńnie KS, Dadon zajaviŭ, što nie pryznaje pryznačanaha takim čynam ministra abarony. Rašeńnie Kanstytucyjnaha suda jon nazvaŭ uzurpacyjaj ułady i paabiacaŭ, što kirujučaja Dempartyja i KS «adkažuć za ŭsie biezzakońni».
Ciapier čytajuć
«Adpraŭlali myć tualety i kidali ŭ ŠIZA». Susiedki raskazali pra abychodžańnie ŭ kałonii z eks-palitźniavolenaj Tamaraj Karavaj, jakaja paśla pamierła33
Kamientary