Uładalniki pryład Apple padvierhlisia novaj fišynhavaj atacy. Pra heta paviedamlajecca ŭ pres-relizie kampanii ESET, jaki pastupiŭ u lenta.ru.
Śpiecyjalisty patłumačyli, što ŭ napadach aktyŭna vykarystoŭvajecca mietad z dvajnym rassyłańniem dla kradziažu piersanalnych dadzienych. Spačatku karystalnik atrymlivaje falšyvy list z abviestkaj ab kupli ŭ App Store, jakuju nie rabiŭ.
U liście prapanoŭvajecca adkryć układzieny fajł z «kvitancyjaj», jaki viadzie na padstaŭny sajt. Paśla ŭvodu Apple ID i parola falšyvy resurs patrabuje abnavić bankaŭskija dadzienyja, što pryvodzić da ich nastupnaha kradziažu.
Niezaležna ad taho, ci ŭkazaŭ karystalnik rekvizity, jon atrymlivaje jašče adzin fišynhavy list ad imia słužby techpadtrymki, u jakim jaho prosiać uvieści piersanalnyja dadzienyja jašče raz.
ESET rekamienduje źviartać uvahu na paviedamleńni, jakija prychodziać z padazronych adrasoŭ, što ŭtrymlivajuć niepiersanalizavany zvarot «Darahi klijent» i dziŭnyja ŭkładańni.
Kamientary