Jašče adna vykładčyca BDU tłumačyć pravalenyja ekzamieny staršyni «Moładzi BNF»: Hanna napisała «sovpOdajet» i «paraLelno»
Druhakurśnica fakulteta žurnalistyki BDU Hanna Pachołka, bolš viadomaja pad proźviščam Śmilevič, uznačaliła «Moładź BNF» u śniežni 2017 hoda. I adrazu ž nie zmahła zdać zimovuju siesiju. Sama dziaŭčyna miarkuje, što sprava ŭ jaje palityčnaj dziejnaści. Vykładčyki nastojvajuć: biada ŭ słabych viedach.
Vykładčycy kafiedry stylistyki i litaraturnaha redahavańnia Volha Dziesiukievič i Lilija Šaściarniova prymali ŭ Hanny Śmilevič intehravany ekzamien pa movie i styli srodkaŭ masavaj kamunikacyi.
«Ja pastaviła Hańnie trojku. Heta nieprachadny bał. Sprava ŭ tym, što ŭ tearetyčnym pytańni jana razhledzieła ŭsio vielmi słaba, na školnym uzroŭni, a nie na ŭniviersiteckim. Akramia taho, byli zroblenyja zusim niadobraha ŭzroŭniu pamyłki: słova «parallelnyj» z adnoj «ł», było napisana «sovpodajet» [ekzamien byŭ na ruskaj movie — NN], jašče niejkaja takaja pamyłka była… — patłumačyła Volha Dziesiukievič. — Pieršaje zadańnie było vykanana vielmi i vielmi słaba. Druhoje, praktyčnaje, było zroblena lepš. Nie vielmi jakasna, ale ŭsio ž lepš. Tamu ja i pastaviła dziaŭčynie nie «2», a «3», — tłumačyć Dziesiukievič.
U toj ža hrupie niezadavalniajučych adznak było šmat: čatyry «trojki» i try «dvojki», uzhadała vykładčyca. Viedamaść była zakryta z takimi bałami.
«Ciapier usie pierazdačy tolki aficyjnyja. Praktyka, kali adznaku nie staviać u viedamaść i jašče raz sustrakajucca sa studentami, užo daŭno skončyłasia», — padsumoŭvaje Dziesiukievič.
* * *
Hanna Śmilevič (Pachołka) vučyłasia na biudžetnym adździaleńni. Siaredni bał atestata składaŭ 9,2 bała, na centralizavanym teściravańni pa ruskaj movie jana nabrała 96 bałaŭ.
Na zimovaj siesii jana nie zmahła zdać adrazu «Movu i styl srodkaŭ masavaj kamunikacyi», «Teoryju žurnalistyki» i «Prafiesijnuju etyku».
Vykładčyca BDU Padalak pra studentku Śmilevič: «Jana nie viedała elemientarnych rečaŭ. Ja zapisała ekzamien na dyktafon»
Studentku, jakaja ŭznačaliła «Moładź BNF», adličvajuć z BDU
***
Na telehram-kanał «Našaj Nivy» možna padpisacca tut.
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie1
Kamientary