U Breście ciapier možna apłacić prajezd z dapamohaj smartfona
Ad 1 lutaha ŭ hramadskim transparcie Bresta pačali ŭkaraniać sistemu apłaty prajezdu z dapamohaj smartfona.
Pakul sistema dziejničaje tolki ŭ dvuch haradskich aŭtobusach — №7 i №16, ale, jak paviedamiŭ «Našaj Nivie» dyrektar pradpryjemstva «Bresthartrans» Alaksiej Žohał, kali ŭsio budzie pracavać biez prablem, to ŭkaranić takuju sistemu apłaty na ŭsich maršrutach možna budzie ŭsiaho za niekalki miesiacaŭ.
Jak heta pracuje?
Kab apłacić prajezd z dapamohaj ułasnaha smartfona, treba spampavać adpaviedny mabilny dadatak — Tix. Zaraz jon dastupny tolki dla aparataŭ na AS Android, ale chutka źjavicca i ŭ kramie dadatkaŭ dla ajfonaŭ.
Pry pasadcy ŭ transpartny srodak treba mieć uklučanyja internet i GPS na svaim telefonie. Dadatak sam vyznačyć dziaržnumar aŭtobusa i nahadaje, što treba apłacić prajezd. Kali pasažyr paćviardžaje apłatu, z pryviazanaj kartki śpisvajucca hrošy, a na telefonie zastajecca «elektronny tałon», jaki pryviazvajecca tolki da hetaha aŭtobusa.
Kali ž GPS na telefonie vyklučany, to sistema nie zmoža vyznačyć, u jaki aŭtobus ci tralejbus zajšoŭ pasažyr. U hetym vypadku treba ŭručnuju navieści kamieru smartfona na adpaviedny QR-kod, jaki jość u kožnym transpartnym srodku.
Kab pravieryć apłatu prajezdu, kantralory skanujuć QR-kod na telefonie pasažyra z dapamohaj svajho telefona abo płanšeta — prykładna tak, jak u Minsku skanujuć prajaznyja.
-
U Miorskim rajonie lekcyi pra siamiejnyja kaštoŭnaści miascovyja načalniki čytali piensijanieram FOTY
-
«Admienim roŭminh, kazali jany. U vyniku admianili internet». Biełarusy raskazali, što ŭ Rasii nie pracuje roŭminh ni A1, ni MTS
-
«Zaraz jaje budzie achoŭvać Siaroža». Boty atrymali novuju mietadyčku pra Cichanoŭskuju
Źnikłuju ŭ Mjanmie Vieru Kraŭcovu znajšli miortvaj6
Źnikłuju ŭ Mjanmie Vieru Kraŭcovu znajšli miortvaj
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4242
Kamientary