ZŠA naceleny na toje, kab praciahvać akazvać cisk na Rasiju, zajaviła namieśnik kiraŭnika finansaŭ krainy Sihał Mandełkier. Siarod pryčyn jana nazvała destabilizacyju situacyi va Ukrainie, Krym i ŭmiašalnictva ŭ amierykanskija vybary, paviedamlaje RBK.
Ułady ZŠA majuć namier praciahvać akazvać cisk na Rasiju. Pra heta ŭ chodzie pasiadžeńnia Atłantyčnaha savieta zajaviła namieśnik ministra finansaŭ krainy Sihał Mandełkier.
«My taksama vielmi sfakusavanyja na tym, kab praciahvać akazvać cisk na Rasiju za Krym, karupcyju, za toje, što jana destabilizuje situacyju va Ukrainie, umiešvajecca ŭ vybary, parušaje pravy čałavieka», — skazała jana.
Namieśnik kiraŭnika amierykanskaha viedamstva padkreśliła, što pa stanie na siońnia, dziejučaja administracyja nakłała sankcyi na 100 asob i arhanizacyj z Rasii i Ukrainy. I heta, pa słovach Mandełkier, źjaŭlajecca tolki častkaj tych namahańniaŭ, jakija Minfin ZŠA prymaje suprać Rasii.
Jana taksama nahadała tak zvany «kramloŭski dakład» — śpis z rasijskich palitykaŭ vyšejšaha ranhu, kiraŭnikoŭ dziaržkampanij, biźniesmienaŭ i aliharchaŭ, jaki ŭ kancy studzienia Minfin pradstaviŭ kanhresu. Pa słovach namieśnika kiraŭnika Minfina, hety śpis i praviedzieny amierykanskim viedamstvam analiz vykarystoŭvajecca dla padrychtoŭki «budučych adrasnych sankcyj».
Ciapier čytajuć
Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam7
Kamientary