«Kommiersant»: Rasija pastavić Siryi S-300 biaspłatna i vielmi chutka
Rasija moža pačać pastaŭku Siryi zienitnych rakietnych kompleksaŭ S-300 «Favaryt» užo ŭ najbližejšy čas. Pra heta sa spasyłkaj na dźvie krynicy paviedamlaje maskoŭskaja hazieta «Kommiersant».
Kompleksy S-300 ličacca vysokaefiektyŭnymi, jany zdolnyja źbić vialikuju kolkaść samalotaŭ i rakiet adnačasova.
Pytańnie ab pieradačy armii Siryi hetych kompleksaŭ, jaki, pa słovach surazmoŭcaŭ vydańnia, znachodziŭsia «pieravažna ŭ palityčnaj płoskaści», praktyčna vyrašana. Kampanienty S-300, u tym liku radyjołakacyjnyja stancyi, transpartna-zaradžajučyja mašyny, punkty kiravańnia i puskavyja ŭstanoŭki, buduć dastaŭleny ŭ Arabskuju Respubliku albo samalotami, albo karablami rasijskaha fłota, kažuć krynicy haziety.
S-300 rasijski bok źbirajecca pieradać Damasku biaspłatna, paviedamlaje vydańnie.
Jak ličycca, kompleksaŭ budzie stolki, kab jany mahli prykryć ad mahčymych udaraŭ Izraila i kaalicyi na čale z ZŠA nie tolki Damask, ale i niekalki vajskovych baz, na jakich raźmieščana siryjskaja avijacyja i znachodziacca iranskija vajskoŭcy.
Izrail razhladaje raźmiaščeńnie takoj zbroi ŭ Siryi jak biespasiaredniuju pahrozu svajoj biaśpiecy. Tamu Izrail źniščaŭ padobnaje abstalavańnie avijaŭdarami na etapie mantažu. Ale hetym razam havorka idzie pra sutyknieńnie z Rasijaj.
Miarkujecca, što pieršyja try miesiacy kompleksami buduć kiravać rasijskija instruktary, a siryjskija vajskoŭcy buduć prachodzić navučańnie poruč ź imi.
-
Kaja Kałas — biełarusam: Vy možacie raźličvać na Jeŭrapiejski sajuz. Bolšaść krain ES vyjšli z chałodnaha aŭtarytarnaha minułaha
-
Na Teneryfie hihanckaja chvala zabrała žyćci troch turystaŭ
-
Praz zachrasłyja ŭ Biełarusi litoŭskija hruzaviki ŭ Vilni projdzie pratest pieravozčykaŭ— furami zastaviać centr horada
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1616
Kamientary