U rasijskim Ivanavie zaviedziena kryminalnaja sprava paśla taho, jak miascovy školnik nanios sabie ranieńnie padčas śpiektakla. Vykonvajučy rolu Ateła, dziesiacikłaśnik udaryŭ siabie kinžałam, jaki akazaŭsia nie butaforskim.
Incydent adbyŭsia 23 krasavika ŭ Ivanaŭskim dziaržaŭnym univiersitecie padčas «šekśpiraŭskich čytańniaŭ». Tam stavili frahmienty z «Karala Lira» i «Ateła». 16-hadovy školnik pavinien byŭ syhrać scenu, dzie Ateła paśla zabojstva Dezdemony ździajśniaje samahubstva.
U vyniku jon uvatknuŭ nož u siabie, a potym schapiŭsia za bok. U školnika pajšła kroŭ i jamu vyklikali «chutkuju dapamohu». U balnicy nie paviedamili, u jakim stanie jon znachodzicca.
Pavodle infarmacyi Śledčaha kamiteta, sapraŭdny kinžał na śpiektakl pryniesła nastaŭnica, čamu jana heta zrabiła, nieviadoma.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary