Julija Skrypal, dačka byłoha rasijskaha špijona Siarhieja Skrypala, u svaim pieršym źjaŭleńni pierad kamieraj paśla taho, jak jana i jaje baćka byli atručany ŭ anhlijskim Sołśbiery, skazała, što joj vielmi pašancavała zastacca ŭ žyvych paśla zamachu.
«Kali ja aprytomnieła paśla 20-dzionnaj komy, ja daviedałasia, što my abodva byli atručany. Mnie dahetul składana źmirycca z dumkaj, što na nas byŭ ździejśnieny padobny napad. Šakiruje sam fakt vykarystańnia niervova-paralityčnaha rečyva ŭ dadzienaj situacyi», — raspaviała jana ŭ intervju Rejter.
Pa słovach Julii Skrypal, praces vyzdaraŭleńnia byŭ vielmi pavolnym i balučym. «Nie chaču detalizavać, skažu tolki, što lačeńnie było invaziŭnym i hłyboka pryhniatalnym. Ja ŭdziačnaja ŭsim vydatnym i dobrym rabotnikam špitala ŭ Sołśbiery, miesca, jakoje stała mnie vielmi blizkim».
«Majo žyćcio było pierakulena z noh na hałavu, i ciapier ja sprabuju źmirycca ź nievierahodnymi źmienami ŭ maim žyćci», — skazała Julija.
«U doŭhaterminovaj pierśpiektyvie ja spadziajusia viarnucca dadomu, u maju krainu», — dadała jana.
Kamientary