Najbujniejšy ŭ śviecie raspracoŭščyk sietkavaha abstalavańnia Cisco Systems papiaredziŭ, što Rasija imavierna płanuje ažyćciavić novuju maštabnuju kibierataku na Ukrainu. Pra heta paviedamlaje Reuters sa spasyłkaj na daśledčyka z Adździeła kibierraźviedki kampanii Kreha Viljamsa.
«U sieradu Cisco Systems Inc papiaredziła, što (rasijskija — red.) chakiery zarazili vielmi składanym prahramnym zabieśpiačeńniem pa mienšaj miery 500 tysiač roŭtaraŭ i pryboraŭ dla zachoŭvańnia infarmacyi ŭ dziesiatkach krain, imavierna, rychtujučysia ažyćciavić novuju masiŭnuju kibierataku na Ukrainu», — havorycca ŭ paviedamleńni.
U Adździele kibierraźviedki Cisco (Talos) upeŭnieny, što za hetaj kampanijaj pad nazvaj VPNFilter staić rasijski ŭrad, tamu što chakierskaje prahramnaje zabieśpiačeńnie abmieńvałasia kodami sa škodnym prahramnym zabieśpiačeńniem, jakoje było vykarystana ŭ papiaredniaj kibieratacy, za što ŭrad ZŠA ŭskłaŭ adkaznaść mienavita na Maskvu.
Jak paviedamlaje Cisco, heta škodnaje prahramnaje zabieśpiačeńnie vykarystoŭvajecca dla špijanažu, umiašalnictva ŭ internet-kamunikacyi abo dla ažyćciaŭleńnia destruktyŭnych napadaŭ na Ukrainu, jakaja raniej užo abvinavaciła Rasiju ŭ masavych atakach na častku jaje enierhietyčnaj infrastruktury i pradpryjemstvaŭ.
Kamientary