11 žniŭnia maštabny biaspłatny open-air leta viartajecca ŭ Minsk. Na śviacie ježy i piva, arhanizavanym «Alivaryjaj» u Łošyckim parku, vystupiać jeŭrapiejskija zorki: brytanka Safi Elis-Bekstar i francuz Jan Destal, udzielnik new-disco dueta Modjo. Biełaruskim chedłajnieram na hałoŭnaj scenie A-Fest stanie hurt «Bieź Bileta».
«Treci A-Fest padoryć biełarusam 11 hadzin muzyki i tancaŭ, novyja spartyŭnyja i hulniavyja placoŭki i fud-kort, da jakoha budzie zručna dabiracca ź luboj kropki parku», — kamientuje Taras Macypura, namieśnik hienieralnaha dyrektara pa markietynhu pivavarnaj kampanii «Alivaryja» i arhanizatar fiestyvalu.
Chedłajnieram treciaha A-Fest stanie elektra-pop dziva Safi Elis-Bekstar. Jaje chity «Murder On The Dancefloor», «Heartbreak (Make Me A Dancer)» ci «Get Over You» dobra znajomyja amataram tancavalnaj muzyki. Letaś Safi vystupała na najbujniejšym brytanskim feście Glastonbury, a sioleta stanie zorkaj biełaruskaha A-Fest.
Hości fiestyvalu pačujuć u aryhinale «Lady (Hear me tonight)» u vykanańni vakalista francuzskaha dueta Modjo Jana Destala. Hetaja pieśnia ŭvajšła ŭ top-10 chitoŭ u trynaccaci krainach, a letaś sinhł Daddy Yankee «Boom Boom» — kavier na «Łedzi» ŭ styli rehietan — nabraŭ 114 młn prahladaŭ na Youtube.
Biełaruskim chedłajnieram A-Fest 2018 stanie hurt «Bieź Bileta». Miesiac tamu artysty vypuścili svoj siomy studyjny łonhpłej «Majak», samy tancavalny ŭ dyskahrafii kalektyvu.
Atrymać asałodu ad vystupaŭ artystaŭ možna budzie ŭ šmattysiačnym natoŭpie la sceny, na travie ŭ cieni jabłynievaha sadu abo z terytoryi fud-korta, dzie ŭstalujuć ekran dla prahladu pramoj tranślacyi. Vyjaznyja kropki z šašłykom, šaŭrmoj, sendvičami, burhierami, bulbaj fry adkryjuć restarany z usioj Biełarusi. Papularnyja hatunki piva buduć prapanoŭvać pa canie 3 rubli.
Sioleta na A-Fest upieršyniu źjavicca hulniavaja zona z prahramaj dla samych maleńkich. Na praciahu fiestyvalnaha dnia ŭ joj buduć pracavać roznyja aktyvacyi, a taksama dziciačy haradok.
Pieramiaščacca miž dziasiatkami zabaŭlalnych zon fiestyvalu taksama stanie bolš zručna. Na sajcie a-fest.by za chvilinu možna budzie daviedacca padrabiaznuju prahramu i łajn-ap festu, raźmiaščeńnie roznych fotazon i fan-prastor.
Dzie: Minsk, Łošycki park
Kali: 11 žniŭnia, 12.00-23.00
Uvachod volny (asobam da 18 hadoŭ — u supravadžeńni darosłych)
Praźmiernaje ŭžyvańnie piva škodzić vašamu zdaroŭju.
Kamientary