«Narkatyčnaje łobi hraje na pačućciach maci asudžanych» — najlepšyja cytaty ź intervju namieśnika staršyni Viarchoŭnaha suda
Namieśnik staršyni Viarchoŭnaha suda Rusłan Aniskievič pahutaryŭ z žurnalistam «Sovietskoj Biełoruśsii» pra źmieny ŭ antynarkatyčnym zakanadaŭstvie.
Pra źmianšeńnie terminaŭ u antynarkatyčnym artykule 328
«My nie padtrymlivali hetyja źmieny, jak i lubyja inšyja karekciroŭki antynarkatyčnych normaŭ u zakanadaŭstvie. Prosta tamu, što na siońnia libieralizacyja ŭ hetaj śfiery nie vyklikana jakoj-niebudź nieabchodnaściu. Stvorany miechanizm procidziejańnia narkamanii pracuje vielmi efiektyŭna».
«Na naš pohlad, admianiać isnujučyja surovyja miery pakarańnia nielha: pasłableńnie moža vyklikać nie tolki adkat da raniejšaj situacyi, ale i ŭsplosk narkazłačynnaści».
Pra bolš miakkaje pakarańnie
«Viarchoŭny Sud pastaviŭ pierad sudździami zadaču nie pra bolš łajalnyja, ale pra bolš ŭzvažanyja padychody da pryznačeńnia pakarańniaŭ tym, chto nie źviazany ź niezakonnym zbytam narkotykaŭ. Kali niejkaja libieralizacyja i mahčymaja, to, na naš pohlad, tolki ŭ dačynieńni da spažyŭcoŭ. Tych, chto źjaŭlajecca chvorymi ludźmi i maje patrebu chutčej u miedycynskaj dapamozie. I tolki ŭ ramkach isnujučaha zakanadaŭstva. Sudam rekamiendavana pa mahčymaści vykarystoŭvać da takich asob pakarańni, nie źviazanyja z pazbaŭleńniem voli. Taksama staić zadača bolš šyroka vykarystoŭvać padobnyja ž miery da niepaŭnaletnich».
Pra maci asudžanych i narkatyčnaje łobi
«U našaj krainie narkotyki stali samymi darahimi siarod navakolnych dziaržaŭ. Tamu što vielmi vialikaja ryzyka dla zbytčykaŭ apynucca ŭ kałonii na vialiki termin. I ja miarkuju, što mienavita z metaj źmianić hetuju situacyju ŭ svaju karyść narkatyčnaje łobi inśpiruje hramadskuju niezadavolenaść, hulajučy ŭ tym liku i na pačućciach maci asudžanych.
Ja chaču, kab svajaki asudžanych, jakija kirujucca całkam zrazumiełymi baćkoŭskimi pačućciami, dobra razumieli prostuju reč: kažučy ab zališniaj žorstkaści dziaržavy ŭ baraćbie z narkotykami, jany mimavoli hulajuć na ruku narkabiznesu, stanoviacca sałdatami jaho vojska. Asabliva ŭ tym vypadku, kali pierachodziać da pramoha šantažu sudovaj ułady i nieprykrytaha cisku na jaje».
Ciapier čytajuć
Redaktara niezaležnaj baranavickaj haziety «Inteks-Pres» Janukieviča prysudzili da 14 hadoŭ kałonii, jaho namieśnika Pakalenku — da 12 hadoŭ10
Kamientary