Chatnim kandytaram i kulinaram u Biełarusi dazvolili pradavać svaju pradukcyju na rynkach.
Heta vynikaje z pastanovy Savieta ministraŭ ad 14 červienia 2018 hoda №452, jakoje karektuje praviły stvareńnia i funkcyjanavańnia rynkaŭ, paviedamlaje BiełTA
Administracyi rynkaŭ abaviazany pry raspracoŭcy ich schiem praduhledžvać handlovyja miescy dla prodažu vyrablenych fizičnymi asobami chlebabułačnych i kandytarskich vyrabaŭ, hatovaj kulinarnaj pradukcyi, a taksama praduhledžana prava administracyi na sielskahaspadarčych i univiersalnych rynkach vydzialać handlovyja zony dla prodažu takich vyrabaŭ i pradukcyi.
Akramia taho, administracyi rynkaŭ pavinny paznačać handlovyja zony, dzie pradajecca pradukcyja fizičnych asob, śpiecyjalnaj šyldaj ź infarmacyjaj pra toje, što pradavanyja vyraby i pradukcyja vyrableny fizičnymi asobami i nie majuć dakumientaŭ, jakija paćviardžajuć ich jakaść i biaśpieku, nie prajšli vieterynarny ahlad i vieterynarna-sanitarnuju ekśpiertyzu.
U svaju čarhu fizičnyja asoby, jakija pradajuć svaju pradukcyju, dla atrymańnia handlovaha miesca na rynku abaviazany pradstaŭlać daviedku ab prachodžańni fluarahrafii.
Adnačasova zdymajecca zabarona na realizacyju na handlovych miescach na rynkach vyrablenych fizičnymi asobami kandytarskich vyrabaŭ i hatovaj kulinarnaj pradukcyi, u tym liku hiermietyčna upakavanych kansiervavanych praduktaŭ chatniaha vyrabu.
Pry hetym zachoŭvajecca zabarona na realizacyju fizičnymi asobami kišačnaj syraviny, kryvi, vialenaha i syravialenaha miasa, siečanych miasnych paŭfabrykataŭ i inšych vyrabaŭ ź miasa, nie daviedzienych da kulinarnaj hatoŭnaści.
Dla źnižeńnia nahladnaj nahruzki na biźnies vyklučanaja norma ab nieabchodnaści ŭzhadnieńnia schiemy rynku z orhanam dziaržaŭnaha pažarnaha nahladu.
Akramia taho, ustanoŭlena zabarona prodažu na handlovych miescach eratyčnaj pradukcyi, pradukcyi, jakaja źmiaščaje elemienty erotyki, hvałtu i žorstkaści, pa seksualnaj adukacyi i pałavym vychavańni, seksualnaha pryznačeńnia.
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary