Pra futbolnaje śviata seksu i «niepaŭnavartych» ruskich mužčyn

Hadami prahresiŭnaja hramadskaść tłumačyła, jak pravilna stavicca da žančyny. Što mačyzm — heta haniebna, što žančyna nie pavinna być seksualnym abjektam, što da intymnych adnosin treba padychodzić adkazna i z hodnaściu, što kamplimienty i nieprystojnyja znaki ŭvahi nieznajomym žančynam na vulicach — heta taksama charasmient, i što samy nizki pradstaŭnik mužčynskaj parody — heta toj, jaki zrabiŭ dzicia i źnik nazaŭsiody.

Ale ŭsio heta było da futbolnaha čempijanatu ŭ Rasii. Tamu što ciapier raptam vyśvietliłasia, što paznajomicca z mužčynam i praz 30 chvilin biehčy da jaho ŭ haścinicu, a kali da haścinicy niama sił datryvać, dyk rabić jamu miniet tut ža na vulicy ŭ kustach — heta nijakaja nie hańba, a prajava svabody i prahresiŭnaści. Tamu što umoŭnaja Aryna Cholina nazavie hety miniet u kustach «šykoŭnym seksam», jakoha tak brakuje ruskim žančynam. I toje, što paśla futbolnaha čempijanatu narodziacca «mundyjalnyja dzieci», jakija nikoli nie bačyli svaich baćkoŭ — heta taksama vydatna, bo internacyjanalna, prahresiŭna i plavok u tvar paskonnaści.

A što zdaryłasia? Čamu raptam prahresiŭnaja hramadskaść zabyłasia pra «adkaznaść i hodnaść» i «seksualny abjekt»? Jak možna prasłaŭlać heta vidavočna niepavažlivaje, mačysckaje staŭleńnie da žančyny? A tamu što mužčyna — ZAMIEŽNIK. A zamiežnik dla ruskich — heta pa-raniejšamu istota niejkaha najvyšejšaha paradku. Prytym nie tolki dla PTVšnic z Saranska, ale i dla libieralnych rasijskich publicystak, uvieś sens opusaŭ jakich možna apisać karotkaj formułaj: «seks z ruskim — heta brydota, sieks z zamiežnikam — heta śviata».

Zamiežniki buduć upeŭnienyja, što rasijskija žančyny lohkadastupnyja, Rasieja stanie miekaj seks-turyzmu? Nu i dobra, heta miła, prahresiŭnieńka i internacyjanalnieńka.

Toje, što ja čytaŭ u hetyja dni pra ruskich mužčyn ad ruskich ža žančyn — heta na ŭzroŭni hiobielsaŭskich ahitak pra rasava niepaŭnavartych ruskich sałdataŭ. Ruskija Vasi niamytyja, niepryhožyja, nie ŭmiejuć zajmacca seksam, prahnyja i naohuł u ich nie staić. (Darečy, niemahčyma ŭjavić, kab u takoj maniery i z takimi epitetami publična abmiarkoŭvali mužčyn luboj inšaj nacyi.)

Rasija — dziŭnaja kraina niejkaj usieahulnaj nianaviści i kompleksu niepaŭnavartaści. Mužčyny nienavidziać svaich žančyn, žančyny — svaich mužčyn. Usie jany jak by nienavidziać źniešni śviet, ale pry hetym marać tam apynucca, bo ŭ adnosinach da jaho adčuvajuć siabie istotami druhoha hatunku. Mnie, jak zamiežniku, hetaha nikoli nie zrazumieć.

• 0
• 0
• 0
• 0
• 0
• 0
• 0
• 0