Miedsiastra praz «niedastatkovuju» vahu novanarodžanaha pahražała baćkam sacyjalnaj słužbaj. Heta narmalna?

«Naviedvajučy doma novanarodžanaha syna, miedsiastra zajaviła, što, na jaje dumku, jano nie nabiraje dastatkovaj vahi (praz dva tydni jon važyć tolki na 250 hramaŭ bolš, čym pry vypiscy), što ŭ jaho «drenny bilirubin» i što jaho treba dakormlivać štučnym charčavańniem (pakul što charčavańnie tolki hrudnoje). Miedsiastra zajaviła, što, kali situacyja z vahoj nie palepšaje (na jaje dumku, dzicia za pieršy miesiac pavinna nabrać 800 hramaŭ), jana paviedamić pra heta ŭ sacyjalnuju słužbu, «jurystam» i zahadčycy paliklinikaj. Zapatrabavała, kab my razam ź dziciom pryjšli da apošniaj na pryjom».

U mamy i taty ŭźnikli łahičnyja pytańni: chto vyznačaje patrabavańni pa vazie i inšych pakazčykach i ci maje ŭ dadzienym pytańni paŭnamoctvy sacyjalnaja słužba.

Adkazvaje doktar, kandydat miedycynskich navuk Andrej Vituška:

«Pa miedyčnych kanonach dzicia pavinna nabirać kala 20—30 hramaŭ na dzień. Prybaŭka ŭ vazie aceńvajecca zvyčajna za miesiac (kali dzicia nie hublaje ŭ vazie). Vyznačać stratehiju karmleńnia nie sprava miedsiastry, jana nie moža davać takich rekamiendacyj. Razmovy pra sacyjalnuju słužbu i jurystaŭ śviedčać pra kiepski nastroj ci samaŭpraŭstva. Padobnaja pastanoŭka pytańnia moža pryvieści da stresu ŭ maci i źnižeńnia łaktacyi. Kali vy sutykajeciesia z takimi pavodzinami, raju pajści parazmaŭlać z zahadčykam adździaleńnia i ŭkazać na niedapuščalnyja pavodziny miedrabotnika. Kali nie znojdziecie razumieńnia, źviartacca piśmova da administracyi palikliniki. Spadziajusia, vam pašancuje patrapić na bolš adekvatnych śpiecyjalistaŭ».

Pavialičyć

Vasil taksama raskazaŭ nam, što miedsiastra prapanoŭvała pierajści na sumiesi i vykazała zdahadki pra «drenny bilirubin» vyklučna na padstavie źniešniaha vyhladu dziciaci, nie majučy na rukach analizaŭ. 

Paśla hetaha ŭ siamji vyrašyli zdać analizy, jakija pakazali nulavy ŭzrovień bilirubinu, astatnija pakazčyki daktary taksama nazvali vydatnymi. U tym liku i nabor vahi. Tamu było pryniata rašeńnie ni prymać ničoha novaha, pakul na toje nie budzie abjektyŭnych padstaŭ.

Adnak pieravieścisia da inšaha doktara ź miedsiastroj z kancami nie atrymajecca: heta mahčyma zrabić pa zajavie na imia zahadčyka adździaleńnia, ale tolki ŭ miežach absłuhoŭvańnia ŭ paliklinicy. Patranaž ža doma ździajśniajuć zamacavanyja, volnyja śpiecyjalisty — raspaviali nam u pryjomnaj 11-j palikliniki.

• 0
• 0
• 0
• 0
• 0
• 0
• 0
• 0