Pa vynikach mižnarodnaj premii Jeŭrakon-2018 łaŭreatam u naminacyi «Kryzalis» staŭ Maksim Kutuzaŭ. Biełaruski piśmieńnik atrymaŭ uznaharodu dla debiutantaŭ sa svajoj knihaj «Kniaź-vaŭkałak», jakuju jon napisaŭ va ŭzroście 20 hadoŭ.
«Kniaź-vaŭkałak» — fentezijna-pryhodnicki raman. Hałoŭny hieroj knihi, siaredniaviečny kniaź, maje niezvyčajnuju zdolnaść — pieratvaracca ŭ vaŭka. Na praciahu tvora čytač naziraje, jak małady i maładaśviedčany kiraŭnik vialikaj dziaržavy sprabuje sumiaščać asabistaje žyćcio i dziaržaŭnyja abaviazki. Ludzi zvyčajna dumajuć, što žyćcio kniazia pryjemnaje i bieskłapotnaje. Ale ci takoje jano nasamreč?
U intervju «Budźmie» na pytańnie, čamu mienavita fentezi, Maksim adkazvaje: «Mnie cikavaje toje, što niemahčyma sustreć u realnym žyćci. Bo tyja ž chvaroby, złačynstvy, mieładramy i tak sustrakajucca na kožnym kroku. Mnie, naprykład, chapaje hetaha ŭsiaho ŭ žyćci. Voś i z knihami tak — mianie cikavić toje, što ŭbačyć na ŭłasnyja vočy niemahčyma: fentezi, historyi pra toje, što adbyvałasia šmat stahodździaŭ tamu».
Uznaharoda «Jeŭrakon» uručajecca z 1972 hoda Jeŭrapiejskim tavarystvam navukovaj fantastyki (European Science Fiction Society), kudy ŭvachodziać jak prafiesijnyja piśmieńniki-fantasty, tak i amatary fantastyki. Ciapier u ESFS 22 jeŭrapiejskija krainy.
Nabyć knihu łaŭreata možna na sajcie halijafy.by ci ŭ kniharni vydaviectva na Niamizie, 3 (cokalny pavierch, boks 47).
-
«Emihracyja — heta repietycyja śmierci»
-
Ad vieršaŭ dla samych maleńkich pierad snom da «biełaruskaj manhi» dla padletkaŭ. Što čytać dzieciam na rodnaj movie
-
«Viaduć nieludzimy ład žyćcia, razmaŭlajuć pa-biełarusku». Uładzimir Arłoŭ raskazaŭ pra novuju knihu i zhadaŭ, jak susiedzi pisali na jaho danosy
Ciapier čytajuć
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ52
Kamientary