Što treba dla ŭjezdu ŭ pahraničnuju zonu? 

Biełaruś miažuje ź Litvoj, Łatvijaj, Polščaj, Rasijaj, Ukrainaj. Tamu šmat nasielenych punktaŭ znachodziacca ŭ miežach pahraničnaj zony. Pieralik nasielenych punktaŭ, jakija raźmieščany ŭ pahraničnaj zonie, možna znajści na sajcie Dziaržaŭnaha pahraničnaha kamiteta Respubliki Biełaruś.

Pavialičyć

Praviły ŭjezdu ŭ pahraničnuju zonu na aŭtamabili

Hramadzianie Biełarusi i zamiežnyja hramadzianie, jakija stała pražyvajuć na terytoryi krainy, mohuć ujazdžać u pahraničnuju zonu i tam znachodzicca pa dakumiencie, jaki paćviardžaje asobu: pašpart (vid na žycharstva), dla niepaŭnaletnich — paśviedčańnie ab naradžeńni. Pamiežniki mohuć u vas zapytacca pryčynu (naprykład, pajezdka ŭ Vilniu) znachodžańnia ŭ pahraničnaj zonie.

Zamiežnym hramadzianam dla ŭjezdu ŭ pahraničnuju zonu, aproč pašparta, nieabchodny propusk, jaki vydajecca orhanami pahraničnaj słužby. Dla hetaha treba aformić zajavu z ukazańniem rajona i miesca kiravańnia, apłacić pošlinu (0,4 bazavaj vieličyni). Propusk vydajecca ciaham piaci pracoŭnych dzion.

Pry najaŭnaści pašparta i propuska zamiežnyja hramadzianie majuć prava svabodna pieramiaščacca ŭ miežach terytoryi, paznačanaj u propusku. Bolš padrabiaznuju infarmacyju možna znajści tut.

Takim čynam, ujazdžać u miežy pahraničnaj zony na transpartnych srodkach možna biez abmiežavańniaŭ, ale kali vy, naprykład, źbirajeciesia pakinuć aŭtamabil u lesie, h.zn. pa-za miežami nasielenaha punkta, to ab hetym nieabchodna paviedamić u najbližejšaje padriaździaleńnie orhanaŭ pahraničnaj słužby. Bo moža stacca tak, što vaša aŭto apyniecca na štrafstajancy, a vas pryciahnuć da administracyjnaj adkaznaści. 

Treba adroźnivać pahraničnuju zonu i pahraničnuju pałasu.

Pahraničnaja zona i pahraničnaja pałasa

Pahraničnaja zona — heta ŭčastak miascovaści, jaki prylahaje da dziaržaŭnaj miažy ŭ siarednim na hłybiniu da 30 kiłamietraŭ u miežach častki terytoryi rajona, horada, pasiołka, sielsavieta.

Pahraničnaja pałasa prylahaje da miažy ŭ siarednim na hłybiniu da 10 kiłamietraŭ i pryznačana dla ŭźviadzieńnia i padtrymańnia ŭ naležnym stanie budynkaŭ i abjektaŭ, nieabchodnych dla ažyćciaŭleńnia achovy dziaržaŭnaj miažy.

Praviły znachodžańnia ŭ pahraničnaj pałasie dla hramadzian Biełarusi, dla zamiežnych hramadzian.

Pavialičyć

Uvaha! Dla ŭjezdu ŭ pahraničnuju pałasu i žycharam Biełarusi, i zamiežnym hramadzianam treba mieć śpiecyjalny propusk. Kab jaho atrymać, nieabchodna źviarnucca ŭ adpaviedny terytaryjalny orhan pahraničnaj słužby, dzie znachodzicca pahraničnaja pałasa. Propusk vydajecca ciaham piaci pracoŭnych dzion, termin jaho dziejańnia — ad 1 da 2 hod. Košt pytańnia — 0,4 bazavaj vieličyni na hod. Hramadzianin maje prava znachodzicca ŭ miežach pahranpałasy na terytoryi, paznačanaj u propusku.

Atrymać propusk možna i z dapamohaj elektronnaj padačy zajaŭ. Dla hetaha treba zarehistravacca na adzinym partale elektronnych pasłuh (www.portal.gov.by). Na sajcie Dziaržpahrankamiteta vy znojdziecie formy zajaŭ dla atrymańnia propuskaŭ na ŭjezd u pahranzonu i pałasu.

Zapaminajem: hramadzianam Biełarusi propusk u pahranzonu nie patrebny, a ŭ pahranpałasu — abaviazkovy!

Adkaznaść za parušeńnie pahraničnaha režymu

Pavodle biełaruskaha zakanadaŭstva, za znachodžańnie ŭ pahraničnaj zonie biez dakumientaŭ praduhledžana adkaznaść ad papiaredžańnia da štrafu, pamieram ad 10 da 50 bazavych vieličyń. Kali ciaham hoda budzie paŭtornaje parušeńnie pahraničnaha režymu, vinavatyja karajucca štrafam ad 10 da 100 bazavych vieličyń i zabaronaj ujezdu na terytoryju pamiežnaj zony.

Tamu nie zabyvajma pašpart doma! Pryjemnych vandrovak!

• 0
• 0
• 0
• 0
• 0
• 0
• 0
• 0