«Nie majem prava ŭmiešvacca». Mininfarm adkazaŭ nakont artykuła pra «śviadomych» u «Lidskaj haziecie»
Ministerstva infarmacyi Biełarusi prakamentavała publikacyju dziaržaŭnaj «Lidskaj haziety», u jakoj aŭtar, na dumku aktyvistaŭ BNF, «źniavažliva staviŭsia da biełaruskaj movy», piša Radyjo Svaboda.
Artykuł pad nazvaj «Intieries v etom diele skorieje ličnyj» byŭ apublikavany ŭ «Lidskaj haziecie» za 27 červienia. U im aŭtar Anton Bystrycki vykazaŭ sumnieŭ, ci patrebny ŭ Biełarusi nacyjanalny ŭniversytet imia Niła Hileviča; nazvaŭ baćkoŭ, jakija addajuć dziaciej u biełaruskamoŭnyja klasy, «śviadomymi», a da biełaruskaj movy ŭ rasiejskamoŭnym artykule vykarystaŭ prosta słova «mova» ŭ dvukośsi.
Aktyvisty BNF Valer Miniec i Siarhiej Pantus zajavili, što hazeta raspalvaje varožaść pamiž biełarusami, jakija karystajucca biełaruskaj i rasiejskaj movami.
Anisim: «Čamu ŭ hazecie źnievažajuć dziaržaŭnuju movu?»
Staršynia Tavarystva biełaruskaj movy, deputatka Pałaty pradstaŭnikoŭ Alena Anisim źviarnułasia ŭ Ministerstva infarmacyi z zapytam nakont hetaj publikacyi. Pavodle Anisim, u artykule prysutničaje źniavažlivaje staŭleńnie da dziaržaŭnaj biełaruskaj movy, a taksama ŭ nehatyŭnym kantekście zhadvajecca jejnaje imia.
Staršynia TBM zadała šerah pytańniaŭ ministru infarmacyi Alaksandru Karlukieviču:
- Jakaja jahonaja pazycyja adnosna hetaj publikacyi?
- Ci źjaŭlajecca artykuł častkaj ahulnaj stratehičnaj palityki Mininfarmu, ci heta vyklučna pazycyja redakcyi hazety?
- Čamu hazeta, jakaja abaznačana jak dźviuchmoŭnaja, značnuju bolšaść svaich materyjałaŭ drukuje na rasiejskaj movie, a ŭ dačynieńni dziaržaŭnaj biełaruskaj movy demanstruje źniavažlivyja adnosiny?
Mininfarm: «Nie dapuskajecca niezakonnaje abmiežavańnie svabody masavaj infarmacyi»
U Ministerstvie infarmacyi adkazali na list Aleny Anisim. Pavodle pieršaha namieśnika ministra infarmacyi Paŭła Lohkaha, Mininfarm nie vyznačaje redakcyjnuju palityku hetaj hazety, bo nie źjaŭlajecca ni zasnavalnikam, ni redakcyjaj vydańnia.
Da taho ž, pavodle Lohkaha, «nie dapuskajecca niezakonnaje abmiežavańnie svabody masavaj infarmacyi» i ministerstva «nia maje prava ŭmiešvacca va ŭnutranuju dziejnaść redakcyi «Lidskaj haziety»». Pry hetym Lohki spasyłajecca na zakon ab ŚMI.
Adkaz Ministerstva infarmacyi:
Nakont pytańnia ab dźviuchmoŭi ŭ dziaržaŭnaj hazecie Mininfarm paviedamiŭ, što suadnosiny ŭžyvańnia dziaržaŭnych moŭ u takich vydańniach nie rehlamentavanyja zakonam ab ŚMI i «pavinny być u poli zroku redakcyjnych kalektyvaŭ».
Pry hetym u liście adznačyli, što Mininfarm stanoŭča stavicca da ŭžyvańnia biełaruskaj movy ŭ ŚMI i nia robić roźnicy pamiž rasiejskaj i biełaruskaj movami.
«Pry ŭzhadnieńni na pasady hałoŭnych redaktaraŭ ŚMI kiraŭnictva Ministerstva infarmacyi ŭdzialaje bolš pilnuju ŭvahu vykarystańniu biełaruskaj movy na staronkach peryjadyčnych vydańniaŭ», — dadajuć u ministerstvie.
Pra źniavažlivaje staŭleńnie da biełaruskaj movy ŭ «Lidskaj haziecie» ŭ liście ministerstva zhadki nie było.
Redaktarka hazety: «Dašlicie, kali łaska, na faks»
Hałoŭnaja redaktarka «Lidskaj haziety» Kaciaryna Sierafinovič admoviłasia prakamentavać publikacyju Bystryckaha. Jak tolki karespandentka Svabody pradstaviłasia joj, Sierafinovič zapytałasia, ci jość u jaje akredytacyja MZS Biełarusi. «Dašlicie, kali łaska, na faks. Da pabačeńnia». I pakłała słuchaŭku.
Kopija akredytacyi MZS Biełarusi ŭ jakaści karespandenta zamiežnaha ŚMI na imia Iny Studzinskaj była dasłanaja ŭ redakcyju «Lidskaj haziety». Svaboda spadziajecca na interviju z redaktarkaj hetaha vydańnia.
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ67
Kamientary