Deputat Pałaty pradstaŭnikoŭ: Kali sałdata adpuskać na vychadnyja da mamki, to jak jon vyjhraje vajnu?
Čarhovaja pieradača «Naša žyćcio» na telekanale ANT była pryśviečanaja vojsku. Ad niezaležnaha hramadstva ŭ pieradaču była zaprošanaja kiraŭnička «Havary praŭdu» Taćciana Karatkievič. Byŭ taksama vajskovy ekśpiert Leanid Spatkaj, jaki byŭ na vybarach 2015 hoda davieranaj asoboj Taćciany Karatkievič.
«Armija pavinna stać adkrytaj dla hramadzianskaj supolnaści, kab razumieć, jakija pazityŭnyja pieramieny adbylisia i jakija jość pamyłki. Statut nie pavinien być takim zakrytym. U sałdata pavinien być dostup da telefona, kali jon choča pazvanić i kali niama ničoha terminovaha, to ŭsie vychadnyja jon pavinien pravodzić ź siamjoj, jak heta zroblena ŭ Jeŭropie», — adznačała Karatkievič.
«Nie viedaju, ci pieramahli b u Druhoj suśvietnaj, kab byŭ taki statut», — adśmiajaŭsia na heta viadučy Dźmitryj Bačkoŭ.
«Kab sałdat nie hublaŭ suviaź z hramadstvam, kab jon nie ŭsprymaŭ siabie, jak u turmie», — praciahvała Taćciana Karatkievič.
«Armija — heta paŭsiadzionnaja ciažkaja praca, da jakoj čałaviek pavinien być pryvučany. U vojsku čałaviek dyscyplinujecca. Kali pačniecca vajna, to vaš syn, jaki nie słužyŭ, nie zmoža kankretna vas abaranić. Jon pasłužyć u alternatyŭnaj słužbie i pabiažyć u alternatyŭnyja kusty», — staŭ pryvodzić prykład palitołah, vykładčyk BNTU Alaksiej Bialajeŭ.
«Ja sama siabie mahu abaranić», — adrezała Karatkievič. Heta vyklikała tolki śmiech Bialajeva.
«Ja b spyniŭ usie libieralizacyi. Armija stvoranaja dla taho, kab čałaviek u vajenny čas uziaŭ zbroju i pajšoŭ abaraniać radzimu. A jak jon budzie vajavać, kali jon na subotu-niadzielu budzie biehać da mamki pa piražki? Jamu kamandzir budzie nie zahadvać, a ŭhavorvać, kab niešta zrabiŭ. Mužčyna vychoŭvajecca niastačami», — adkazaŭ Karatkievič deputat Pałaty pradstaŭnikoŭ Dźmitryj Šaŭcoŭ.
Ciapier čytajuć
Advakat Dźmitryj Lepretar raskazaŭ pra biełyja plamy ŭ spravie ab terakcie ŭ mietro7
Kamientary