Razmovy i dyjałohi, jakija viaducca nakont pytańnia vyrašeńnia kanfliktu va Ukrainie, siońnia ŭžo nie dapamahajuć i pryviaduć da jašče bolšaha kanfliktu. Tak prakamientavaŭ pytańnie staršyni Miunchienskaj kanfierencyi pa biaśpiecy Volfhanha Išynhiera Alaksandr Łukašenka.
Na jaho dumku, siońnia, kab damahčysia prahresu ŭ vyrašeńni kanfliktu na ŭschodzie Ukrainy, nieabchodna pakazać choć jaki-niebudź vynik.
— My ŭžo z nahody Danbasa prahavaryli stolki, što niekatorych dziełavych ludziej užo vanitavała. Siońnia, kab damahčysia čahości, patrebien vynik, choć paŭkroka, kab ludzi pavieryli, što tam možna niešta zrabić. A toj dyjałoh, jaki idzie ciapier, pryviadzie da jašče bolšaha kanfliktu. Ludzi, rasčaravanyja ŭ tym, što možna niešta vyrašyć, voźmucca za zbroju. Ja ŭžo mała vieru, što heta možna spynić, bo tam pačalisia pastaŭki faktyčna śmiarotnaj zbroi. Jak heta možna spynić? Kali starejšy brat vaš na heta pojdzie (ZŠA). Kali zbroja tudy ŭžo aby-dzie, treba zrabić tak, kab jana nie stała stralać, — skazaŭ Łukašenka.
Jon nahadaŭ, što paśla Druhoj suśvietnaj vajny krainy, jakija vajavali pamiž saboj, zmahli naładzić adnosiny.
— Zusim niadaŭna my z vami, z Hiermanijaj, vajavali, a siońnia siadzim i razmaŭlajem. Ale tam, va Ukrainie, takoha kanfliktu niama, a damovicca nie mohuć. Značyć hetaja vajna va Ukrainie kamuści patrebna, — skazaŭ Łukašenka.
Alaksandr Łukašenka taksama prakamientavaŭ rašeńnie Polščy ab raźmiaščeńni na jaje terytoryi «forta Trampa». Jon ličyć, što Rasija i Biełaruś nie mohuć nie reahavać na heta.
— My nie idyjoty i, viadoma, na heta reahujem, z našym hałoŭnym sajuźnikam dumajem, jak supraćstajać usiamu hetamu i znajści adekvatny adkaz u hetaj situacyi. My nie takija bahatyja z Rasijaj, ale my, viadoma, pra heta dumajem, choć nie chaciełasia b, nam jość na što tracić hrošy.
A Tramp naŭrad ci dumaje pra toje, što jość takaja maleńkaja Biełaruś, što tut ludzi žyvuć. Ja byŭ prychilnikam Trampa, ale ciapier mnie zdajecca, što heta ŭsio hulnia. Ale takija razmovy pra jadziernuju zbroju, pra razmachvańni rakietami škodnyja, a Donald hetaha, jak małady palityk, nie razumieje, - skazaŭ Łukašenka.
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ86
Kamientary