Размовы і дыялогі, якія вядуцца наконт пытання вырашэння канфлікту ва Украіне, сёння ўжо не дапамагаюць і прывядуць да яшчэ большага канфлікту. Так пракаментаваў пытанне старшыні Мюнхенскай канферэнцыі па бяспецы Вольфганга Ішынгера Аляксандр Лукашэнка.
На яго думку, сёння, каб дамагчыся прагрэсу ў вырашэнні канфлікту на ўсходзе Украіны, неабходна паказаць хоць які-небудзь вынік.
— Мы ўжо з нагоды Данбаса прагаварылі столькі, што некаторых дзелавых людзей ужо ванітавала. Сёння, каб дамагчыся чагосьці, патрэбен вынік, хоць паўкрока, каб людзі паверылі, што там можна нешта зрабіць. А той дыялог, які ідзе цяпер, прывядзе да яшчэ большага канфлікту. Людзі, расчараваныя ў тым, што можна нешта вырашыць, возьмуцца за зброю. Я ўжо мала веру, што гэта можна спыніць, бо там пачаліся пастаўкі фактычна смяротнай зброі. Як гэта можна спыніць? Калі старэйшы брат ваш на гэта пойдзе (ЗША). Калі зброя туды ўжо абы-дзе, трэба зрабіць так, каб яна не стала страляць, — сказаў Лукашэнка.
Ён нагадаў, што пасля Другой сусветнай вайны краіны, якія ваявалі паміж сабой, змаглі наладзіць адносіны.
— Зусім нядаўна мы з вамі, з Германіяй, ваявалі, а сёння сядзім і размаўляем. Але там, ва Украіне, такога канфлікту няма, а дамовіцца не могуць. Значыць гэтая вайна ва Украіне камусьці патрэбна, — сказаў Лукашэнка.
Аляксандр Лукашэнка таксама пракаментаваў рашэнне Польшчы аб размяшчэнні на яе тэрыторыі «форта Трампа». Ён лічыць, што Расія і Беларусь не могуць не рэагаваць на гэта.
— Мы не ідыёты і, вядома, на гэта рэагуем, з нашым галоўным саюзнікам думаем, як супрацьстаяць усяму гэтаму і знайсці адэкватны адказ у гэтай сітуацыі. Мы не такія багатыя з Расіяй, але мы, вядома, пра гэта думаем, хоць не хацелася б, нам ёсць на што траціць грошы.
А Трамп наўрад ці думае пра тое, што ёсць такая маленькая Беларусь, што тут людзі жывуць. Я быў прыхільнікам Трампа, але цяпер мне здаецца, што гэта ўсё гульня. Але такія размовы пра ядзерную зброю, пра размахванні ракетамі шкодныя, а Дональд гэтага, як малады палітык, не разумее, - сказаў Лукашэнка.
З Лондана Мельнікава вылецела на Шры-Ланку, у яе быў каханак спартовага выгляду з Беларусі22
Каментары