Ułaśnik hetaj niezvyčajnaj nieruchomaści ŭ dadzieny momant nie moža kantralavać usie pracesy arendy asabista, tamu naniaŭ davieranuju asobu — Andreja, jaki adkazvaje za ŭsie arhanizacyjnyja i techničnyja pytańni.
«Uzimku ŭ budaŭnikoŭ pracy mała, tamu zaraz dom zasieleny tolki napałovu. U hety momant u nas pražyvaje 6 abo 7 čałaviek, ale maksimalna ŭ domie mohuć žyć 12 čałaviek», — raspaviadaje Andrej.
«Miesca tut dobraje. Atamnaja pobač, ale nie tak heta i strašna. Kala doma my arhanizavali valejbolnuju placoŭku, pobač — pole, — vydatnaja terytoryja dla taho, kab pahaniać u futboł.»
U domie jość elektryčnaść, kanalizacyja, dva sanvuzły.
«Jość dumki navat pra adkryćcio tut ahrasiadziby, usio ž taki miesca vielmi niezvyčajnaje. Viadoma, šmat skieptykaŭ, jakija bajacca blizkaści AES. Ale ja asabista aznajomiŭsia ź niekatoraj dakumientacyjaj i mahu skazać, što stupień abarony ad radyjacyi vielmi mocnaja».
Akramia taho, dom raźmieščany pobač z darohaj, što vielmi zručna dla kamandzirovačnych, jakija pracujuć na AES. Ź inšaha boku, vakoł pryroda, zajcy pa poli biehajuć — pryhažość.
Ciapier čytajuć
Zialenski ŭ Vilni: Pakul špic Łukašenki maje bolš pravoŭ, čym narod Biełarusi8
Kamientary