Tak miarkujuć u Minadukacyi i dadajuć: «Jany mała što dajuć. Efiektyŭnaść ich vykarystańnia nievysokaja».
U 2009 hodzie treba admovicca ad masavaha nabyćcia kampjuternych kłasaŭ u škołach Biełarusi.
Pra heta zajaviŭ dyrektar hałoŭnaha infarmacyjna‑analityčnaha centra Ministerstva adukacyi doktar techničnych navuk Mikałaj Listapad 11 śniežnia na kanfierencyi «Infarmacyjnyja technałohii ŭ adukacyi» ŭ Minsku.
«Jany mała što dajuć. Na moj pohlad, efiektyŭnaść ich vykarystańnia nievysokaja», — skazaŭ M.Listapad.Admova ad nabyćcia kampjuternych kłasaŭ u škołach dazvolić zekanomić finansavyja srodki. U ciapierašnich ekanamičnych umovach finansavańnie dziaržprahramy «Kompleksnaja infarmatyzacyja sistemy adukacyi Biełarusi» na 2009 hod budzie skaročana, zajaviŭ čynoŭnik.
«Treba zasiarodzić namahańni na bolš efiektyŭnym vykarystańni najaŭnych resursaŭ: stvaryć abjadnańni infarmacyjnaha asiarodździa, dzie heta mahčyma, złučyć ustanovy adukacyi sietkaj», — ličyć pradstaŭnik Minadukacyi.
Pavodle jaho słoŭ, na budučyniu nieabchodna šukać inšyja padychody da asnaščeńnia škoł kampjuternaj technikaj. Ciapier adzin ź ich abmiarkoŭvajecca ŭ ministerstvie.
«Treba pastavić zadaču — kab kožny vučań mieŭ svoj noŭtbuk», — zajaviŭ M.Listapad.Pavodle jaho słoŭ, u škole pavinna być adzinaja łakalnaja sietka, da jakoj «z hetym noŭtbukam vučań pavinien padklučycca». Usie łakalnyja sietki pavinny być abjadnany vysakachutkasnymi kanałami suviazi ŭ adzinuju elektronnuju adukacyjnuju prastoru krainy. «Mnohija kažuć, što heta vielmi doraha», — zaznačyŭ čynoŭnik.
Jon ličyć, što hetuju prablemu možna vyrašyć, kali pravilna sfarmulavać patrabavańni da noŭtbuka.
U najbližejšy čas, skazaŭ M.Listapad, u Minsku budzie nabyta niekalki mabilnych kłasaŭ, i možna budzie «pahladzieć, što z hetaha atrymajecca».
Akramia admovy ad zakupki kampjuternych kłasaŭ pradstaŭnik Minadukacyi paviedamiŭ pra inšyja miery, jakija płanujecca pryniać u śfiery infarmatyzacyi adukacyi ŭ suviazi sa skaračeńniem srodkaŭ. Tak, u 2009 hodzie pamienšycca kolkaść raspracovak elektronnych srodkaŭ navučańnia, bo mnohija pradukty, što raspracoŭvajucca, nie zaŭsiody zapatrabavany. U nastupnym hodzie płanujecca skaracić kolkaść raspracovak sajtaŭ i partałaŭ, admovicca ad stvareńnia novych sistem kiravańnia.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»26
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary